15 49.0138 8.38624 1 1 4000 1 http://wyrta.com 300

Kwah ka HSPDP wow sai kyrtong na ka party kam u kyrtong monlang ha ka election MP

0 Comments

Shillong: Ka Hill State People’s Democratic Party (HSPDP) da pynsñiaw ko wa ya u kyrtong wa monlang neibynta ka Election cha ka dorbar Parliament (LS) toh u e laad wow sai naka Party.

“Lada man kawa ye i kwah i wow e noh cha i wow booh ya u kyrtong monlang, lada ym man i daw chong pyrkhat biang,” ong u Samlin Malngiang uwa man kam u Chief Organizer ka HSPDP.

Ini i ong yong uni uwa yahkhmat ka Party toh hadien wa pynsñiaw yong ka UDP wa ka kwah ko wow em du uwi donhi u kyrtong monlang neibynta ka Election MP ka wow man ha u snem wow wan.

“I da sñiaw i yei kwah yong ka UDP, tangwa hadooh katni ympu em yoh i kawon kawon i thoh,” da ong u Malngiang.

“Ym pu em ye i wow chim rai, wei lada i yoh i dei thoh na ka UDP ka Central Executive Committee ka party wa daw chim ko ya ka rai, wei lada ym hun namo ym hun i ya u kyrtong monlang tæ wow lai i da ka yong i hi ka luti,” da ong.

Heiyatoh wa i krehlang waka UDP UDP neibynta ka Election MDC ka wow man ha u snem wa daw wan, uwa yahkhmat ka HSPDP u Martle N Mukhim da ong u wa hadooh katni, ki dang ya manlang ki kawi kamwa da leh ha ka Election MLA wa dang dep ha uni u snem.

“I da em chwa i ka yalok waka UDP nadooh ka Election MLA 2018, i man i kawi hadooh katni,” da ong u Mukhim.

Da ong u wa ka thong yong ka HSPDP toh wow pynkhlan ya ki seiñ ri-loom ha ka jylla.

“Kawi na ki nongmuna ya tylli wow pynkhlan ya ki seiñ ri-loom toh i yalok ka HSPDP wa ka UDP,” da ong chooh chooh u.

Advertisement ad1

Phooh ko leh niam Beh Kynphui ka Raij Mynsoo

Previous

I stat i tip man i kam ka passport yong ki khy....

Next

0 Comments

Leave a Reply