Advertisement ad1

Shillong: Uwa yahkhmat ka Congress ha KHADC, u Manstudy Nongrem da ong u wa ka PP ka da dep phah ko ya ka chithi cha ka MPCC hajrong i thmu yong u Jansing Tynsong, MDC ka Congress na Pynursla wow kyrchaan noh ya ka Executive Committee wa yahkhmat da u Pynshngain N Syiem.

Da ong u leh wa ka MPCC ym pu em e ko ya i jubab hei yatoh wa ini wei da ong u leh wa katkam wa sńiawthooh u wa da toh u beh seiñ noh ya u MDC ka Pynursla neidaw ki kaam leh pyrchah u ya ka Party wei da thmu u leh wow psiah noh cha ka NPP.

Advertisement ad1

U Manstudy da ong u wa Jansing da ong hi u wa dang em u waka Party tangwa ymtip won cheiwon ka liang u chong u ha ka dorbar tlang ka KHADC.

Ha iwi tawon i liang uwa yahkhmat ka Congress da ong u wa ka liang synchaar ha KHADC ka jooh ap ko du ki phang yatai wa wanrah ka liang pyrchah wei neiliang yong ki ym jooh ye ko u wanrah iyi iyi leh neibhah ya ka dorbar tlang ka EC da booh ko wow pynman dorbar du ar sngi donhi.

Da ong u leh wa kam ka liang synchaar toh u wanrah ko ya ki phang wa kammon u chna aiñ kamjooh u pynkhlan ya ka aiñ wa kiwi kiwi de ki kaam.

Chooh Chooh da ong wa neiliang ka party ka ym chimbynta ko ha ka No Confidence Motion wa wanrah u Adelbert Nongrum, wei da leh ya ini neidaw wa u Adelbert ym em khut yachem u ya ka liang pyrchah hei yatoh wa i thmu yong oo.

Share this:
Share on Facebook0Tweet about this on TwitterGoogle+0
Advertisement ad1