15 49.0138 8.38624 1 1 4000 1 http://wyrta.com 300 0

Kynmoo burom World Environment Day ki khynnah skur ka Rud Myntdu LPS, SSA

0 Comments

Jowai: Ynne ka sngi Muchai 12 tarik, Naiynru ki khynnah skur wa kiwa sikai ka Rud Myntdu LPS, SSA da pynman ki i kynmoo burom yaka World Environment Day deiwa em ka prokram yaklam pynsñiawthooh ya ki khynnah chaphang i emkam wow thung ya ki dieñ ki siej wei pynneh pynsah yei miat yirngam i dooh i ram ka rymaw wa ki soodong sookun yon gka.

Ha ka yalang yahkhmat yong kani ka prokram hei pynlai ka L. Laloo, Asst. Teacher da yoh yei klam i batai na ka M. Pakyntein, Head teacher kamjooh leh na u O. Shylla dkhot ka Managing Committee uwa da klam da batai hajrong i emkaam wow thung ya ki dieñ ki siej wei pynneh pynsah yei khloo i kjam.

Chooh chooh ha kani ka sngi ha ka thong yong ka Swachh Bharat-Swachh Vidyalaya wow pynkynmoo biang yei kamram kam kiwa chong chnong heiyatoh wow wanrah yei khooid i pliah i man i long ka bei rymaw da em leh i purae ya ka Swachh Bharat Pledge kawa da ya chimbynta lang da waroh neitæ won i kyntien kyrsu kyntu ya ki khynnah wa kiwa sikai na u S.D. Laloo, SSA West Jaintia Hills hajrong i emkam wow boodien ya ki dieñ wa dadep thung na ki por cha ki por wei pynmlien ya i dæ wow lehkhooid nadooh i pran samen, na yung na sem hadooh ha skur.

Khaddooh da pynkut ya kani ka prokram dei wa em i thung ya ki dieñ da ki khynnah skur, kiwa sikai wa ki dkhot ka Managing Committee.

Advertisement ad1

0 Comments

Leave a Reply