15 49.0138 8.38624 1 1 4000 1 http://wyrta.com 300

Kynmoo warom ka KSU ya ka sngi yap u Bull N. Lyngdoh deiwa kular wow yakhih ya ka ILP

0 Comments

Shillong: U General Secretary warim ka Khasi Students’ Union (KSU) uwa man leh katni da u montri ka kaam pynroi sor u Hamlet Dohling da ong u wa ka KSU ngait ko yei kaam bar ya ki ktien.

Yeini da ong u hawa leh warom ya ka lyngkhooh sngi yap wa 24 yong u tynde u Bull N. Lyngdoh uwa jooh man kam uwa yah khmat ka KSU ha ka yalang wa pynman ha Malki ynne ka sngi ha khmat u mot sah nam yong oo.

Advertisement ad1
Advertisement ad1

U Hamlet da pynwadur u ya ka KSU kam ka wah wa tooid deiwa ong wa hanlada i por lai i hadooh kiwa yahkhmat ya ka seiñ da mih da kiwi tangwa ka KSU neh ko kamjooh.

Ha kani ka sngi da klam u leh chaphang yei emkaam wow pynbait noh ya u pood ka jylla wei wow leh pyrchah yei wan toor ki baar jylla deiwa booh ya ki Entry wa Exit Point ha Ri-Bhoi.

U General Secretary ka Khasi Students’ Union wa katni u Donald V. Thabah leh da klam u ya i jooh deiwa ong wa sniawthooh wa i im ym tooh iwa suk wei ki dkhot ka seiñ ym em man ki kiwa lai wow pyn awri awra wei ki kaam wa da leh ki daw mih soh ki lada chah kem chah kset patok.

U Thabah da klam pynkynmoo u leh ya u snem 1989 heiwa ka yakhih pyrchah ya ka luti rel joor bha ko deiwa ong wa ka roi ka paar toh neibynta ki tre jylla ym toh ya ki baar jylla deiwa e nongmuna yeiwa man ka Tripura waka Assam katni wei u pteiñ hi leh ka seiñ wow dawa yei hok wow yada ya ka dustur riti.

Da pynkut u deiwa klam chaphang ka yakhih wow pynkrehkaam ya ka ILP ha u snem 2013 wei ka KSU hadooh katni ym em kynran dien ko ya ini i dawa wei i bor poisa leh ym ye ko u pynwair ya ini.

Advertisement ad1
Advertisement ad1

Wan pynhaap pyrda u Lahkmen yei dap 25 snem ka....

Previous

Ka Citizenship (Amendment) Bill, 2016 toh i th....

Next

0 Comments

Leave a Reply