Advertisement ad1

Shillong : Da pynemwarom ya ka sngi yap u Woh Kiang Nangbah wa 153 ha Soso Tham Auditorium Shillong da ka Seiñ Raij Niamtre Shillong.

Advertisement ad1

Uni toh u snem wa san phaw (50) wa ka Seiñ Raij Niamtre Shillong da pynemwarom ko lynter khlem pep ya ka sngi yap uni u khlawait. Da sdang ya ka yalang deiwa yieñ wow suki khlem klam wa ar minute kam ka dak kynmo warom ya u Woh Kiang Nangbah.

Da klam pdiang sniawbha da u Wh. Joining Pde, President Seiñ Raij Niamtre Shillong. Hei klam yong oo da kdaw u wa kammon da hiar i ya tylli ha pyrdi ki khon ka Ri Pnar ha kini ki khajiak snem.

Da yoh yei klam u Wh.S.Q. Sumer kam uwi na ki nongthoh kot wa bna naam uwa da batai ya ki nongrim wa yieñ yaleh uni u khlawait.

Ha kani ka janmiet u MP ka Shillong Constituency u ma Vincent H Pala da man kam u symbood kongsan heiwa da yaroh u ya ka Seiñ Raij Niamtre Shillong kawa da ye u pynman ya kani ka prokram kynmoowarom ya u Woh Kiang Nangbah.

Ha kani ka sngi ki nongklam da kyntu ki ya u ma Vincent H Pala wow chon biang ya ki stamp hei pyrtuid u Woh Kiang Nangbah yeiwa da chon nyngkong dooh ha u snem 2001.

Ha kani ka sngi da ioh pynyoo leh ya ka Chad Chiphiah na ka Seiñ Raij Niamtre Shillong wa ka Chad Masteih na ka Seng Khasi Kmie Mawkhar. Da leh leh ya ka drama wa tbian (short play) wa e pyrtuid “DAP CHYNRANG” wa da thoh da u Dr.Omarlin Kyndiah, General Secy, Sein Raij Niamtre Shillong.

Kiang-play3

Kiang-play1

Kani ka drama toh chaphang ka jingim u Woh Kiang Nangbah katkam i khana parom ki warim wajah wei katkam ki kot wa da thoh da u Dr. Shoban Lamare. Da pynkut ya ka prokram deiwa rwai ya ka National Anthem pynbood won dei puræ poitri da ka Osaka Dkhar.

Kiang-play2

Share this:
Share on Facebook0Tweet about this on TwitterGoogle+0
Advertisement ad1