15 49.0138 8.38624 1 1 4000 1 http://wyrta.com 300

Kyntu u MoS ka Tribal Affairs ya ka sorkar wow phah noh ya ki UC ki scheme sorkar pyrdi

0 Comments

Shillong: U Montri Khynnah ka sorkar India wa pait ya ka chnat Tribal Affairs, u Jaswantsinh Sumanbhai Bhabhor ynne ka sngi da khut yalang u wa ki chnat waphær waphær ka sorkar jylla neibynta wow yoh yutip hajrong i pynkrehkaam ya ki scheme ka sorkar pyrdi hapoh ka jylla.

Hawa yaklam wa kiwa pathai khubor u Jaswantsinh da ong u wa i pynkreh ya ki Scheme ka sorkar pyrdi man ki kiwa lai bait katkam wa yooluti wei angnood u Montri Rangbahdooh ka ri, u Narendra Modi.

Advertisement ad1
Advertisement ad1

Ha kani ka sngi u Montri ka sorkar pyrdi da yachem u leh ya u Montri Rangbah ka jylla, u Conrad K Sangma wow yaklam hajrong i pynkrehkaam ya ki scheme waphær waphær yong ka sorkar.

Ha ka yalang wa man ha Main Secretariat da emlang ki sahep na ki chnat sorkar waphær waphær kamjooh u montri ka Social Welfare ka jylla, u Kyrmen Shylla.

Hawa klam wa u Kyrmen da pyntip u wa ka sorkar jylla dang haap phah smat ko ya ki Utilisation Certificate (UC) yong ki kamwa da phah da u Montri Khynnah ka sorkar pyrdi khang wow ye wow phah chooh ya ka poisa wow pynkreh ya ki scheme hapoh jylla.

Da pyntip u wa hadooh katni em ki UC wa da kynjoh kamwa T.18 klur na ki chnat sorkar waphær waphær kiwa ympu phah cha ka sorkar pyrdi, wa kynthup nadooh ka bai baam ya ki khynnah skur kawa kynjoh T.1 klur kamjooh kiwa yatoh wa ka ka chnat Sports, Education, Social Welfare wa kiwi kiwi.

Advertisement ad1
Advertisement ad1

Da booh ya u mooyurim wow chna ya ka Orchidari....

Previous

Psiah Quarter Final ka Iaikyntiew FC ha ka lym....

Next

0 Comments

Leave a Reply