15 49.0138 8.38624 1 0 4000 1 https://wyrta.com 300 0

Kyrchaan ka Russia ya ka India hajrong i phiah ya ka Jammu & Kashmir

0 Comments
Advertisement ad1

Jowai: Ka ri Russia kawa da jooh man ka ri kawa da jooh kyrchaan pura ya ka ri India ha ki snem wa dadep, ha kani ka kynti leh da kyrchaan ko yei pyndam ya ka Article 370 yong ka ri synchaar ka ri (India) kamjooh leh i phiah ya ka jylla Jammu & Kashmir, cha ki ar tylli ki Union Territory deiwa ong wa ini i leh ka India toh katkam ki kyndon yong ka riti synchaar ka ri.

Hawa yaklam wa kiwa pathai khubor ka Ministry of Foreign Affairs ka Russia ynnin ka sngi da ong ko wa ka Moscow yooluti ko wa ka India wa Pakistan ymtoh u pynsih næ pynchit ki yeiwa jia ha ka thaaiñ neidaw i leh ka sorkar na Delhi heiyatoh wa i man kyrpang ka jylla Jammu and Kashmir.

Ka Russia da jooh kyntu ko neipor cheipor wow wanrah yei chongsuk wei yatohlok hapyrdi ka India wa Pakistan wei yooluti ko leh wow bood ki ya ki soskular kam ka Simla Agreement of 1972 wa ka Lahore Declaration of 1999.

Kam wow pynkynmoo heini ka India ha ka 5 tarik uni u bnai da pyndam ko ya ka Article 370 kawa da pyndam yei man kyrpang ka jylla Jammu and Kashmir wei da phiah leh ya kani ka jylla cha ki ar tylli ki Union Territory – Jammu and Kashmir, wa Ladakh.

Source: DefenceNewsIndia

0 Comments

Leave a Reply