15 49.0138 8.38624 1 1 4000 1 http://wyrta.com 300

Laap ka truck ya soo tylli ki kari ha ka karkhana neidaw wa muaid uwa yah

0 Comments

Jowai: Ynnin i janmiet ka 17 tarik heipor kamwa 5:00 waje da em i yatyrrah kari ha Mihmyntdu, Jowai heiwa kawi ka truck kawa em u No. ML-04-8784 wa yah da u Mailang Langstang na ka chnong Biar, WJH, da pyrchang u wow chim pass khlemakor ya kawi ka bus kamai hadooh wym ye de u ka u pyllai ya ka truck wa yah u wei da psiah ko cha ka karkhanan chna kari.

Ini da jia hajan iwi i karkhana chna kari ka yong u Ram Susngi ha Mihmyntdu (hajan tyndur).

Ha ini i tyrrah kani ka truck da syllad ko ya soo tylli ki kari kiwa em hapoh kani ka karkhana.

Kini ki kari toh kiwa em u No. ML04 B 6604 wa ka ML04 4478 yong u Raja Kyndait na Mookynphad, ka No. ML05 M 1026 ka yong ka Shimtimon Lakiang na Panaliar, Jowai wa ka kari wa em u No. ML04 A 8516 yong u Ram Susngi na Mookynphad, Mihmyntdu.

Ki pulit hawa takit yeini da chem wa uwa yah ya kani ka truck toh uwa da muaid wei da kem ya oo yow leh yeiwa emkaam katkam ka aiñ.

Ha ini i jia embhah ym em wa mynsoo lait noh kinin ki kari kiwa da takha.

Ha ka 23 tarik u pynmih ya ka result ka SSLC w....

Previous

Pynrem ka KNGC ya ka TJSC ha ka Final ka Inter....

Next

0 Comments

Leave a Reply