15 49.0138 8.38624 1 1 4000 1 http://wyrta.com 300 0

Leh beinah ka sorkar ya kiwa sikai Deficit deiwa su tulop chisien 3-4 bnai wei wym pynlait yaka Arrear: Congress

0 Comments
Shillong: Ka Congress da beiñ joor ko ya ka sorkar jylla wa leh beinah ko ya kiwa sikai skur Deficit ha ka jylla deiwa su tulop chisien ha ka 3 næ 4 bnai. Hawa wanrah ya kani ka phang hapoh ka yung dorbar, u Mayralbon Syiem da ong u wa man ko kawa sñiawsih wa kiwa sikai kiwa wa toh u chong hapoh kamra e saikai yow seiñdur ya ki khynnah skur, tangwa da hap ki wow deiñ won da ka lama yong. Da ong u wa katkam wa tip u, ha ri Bhutan, ya kiwa sikai da su palat ya ki bar ya kiwi ki wakreh tangwa hapoh ka jylla da man ko mar de khangtleiñ. Katwa u Himalaya M Shangpliang da beiñ u yei wym e chuti ka sorkar ya kiwa sikai skur Deficit hawa yoh khon ki deiwa ong wa ini da tyngkheiñ ya ka aiñ hok bru man bru. Da ong u wa i su tulop kawa chisien 3-4 bnai kat ha kani ka juk stat Technology heiwa ka sorkar ym em eh wow su ya ka tulop kiwa sikai man u bnai deiwa phah bait sak cha ka Bank Account yong ki. U Himalaya da ong u wa kani ka sorkar ym ye ko u pynkrehkaam ya i mynjur ka 5th Pay Commission heiwa ya ka DCRG wa dang pynkrehkaam kawa ya kawa mynjur ka 3th Pay Commission. Da dawa ki wa ka sorkar toh leh u pyllait noh ya ka 25% ka Arrear ya kiwa sikai kawa dang sahteiñ  hadooh kini ki sngi. Ki dawa kiwa sikai toh wow yoh yaka bai sumaar, ka bai baam tymmen hadien wa da chong ngiah, ka ACPS wa kiwi. Hajrong ini, u montri ka chnat puræ puthi u Lahkmen Rymbui da ong u wa ka sorkar ym em ko i leh chilliang iwon iwon leh ya kiwa sikai skur wei ka da kut yumut wa ha kini ki sngi u ye u pyllait noh ya ka tulop yong kiwa sikai skur Deficit man u bnai. Da ong u wa katni, ka sorkar dang pynkhreh ko ya kani ka kaam. Da ong u wa sorkar hap ko wow pyllut T. 418 klur wow su ya ka tulop yong kiwa sikai skur ha ka chi snem wa T.118 klur ya ka Arrear. Hajrong i dawa wow pynkrehkaam ya ka tyrwa ka 5th Pay Commission, u Lahkmen da ong u wa ka sorkar daw bichaar ko ya ini wa ka Planning nalor ka Finance Department ka jylla. Katwa ya ka Arrear da ong u wa ka sorkar daw thooh ko ya ki laad ki luti wow pynlait ya ka.
Advertisement ad1

0 Comments

Leave a Reply