Advertisement ad1

Jowai: Ka skul St.Matry Mazzarello Higher Secondary School Jowai, kam wow kynmoo em warom ya ka sngi ki khynnah kawa daw man ha ka 14 tarik uni u bnai kawa man leh ka sngi kha u Jawaharlal Nehru uwa man leh uwi na ki bru wa khroo u wa maya bha ya ki khynnah. Ynne ka sngi kani ka skur da lehkmen ko ya ka sngi ki khynnah lane ka “Children’s Day” ha pchem yong kani ka skur.

Advertisement ad1

Ha kani ka lehkmen ki nongsikai da pynchongshit pynkmen ki ya ki khynnah skur da ki rwai, ki yalehke wa pher wa pher, kiwa da pynkmen ya ki khynnah skur.

Ha wa nyngkong ki yalehke wa da leh ki nongsikai toh u riam pynyo rong ‘Fancy Dress’ kiwa da chimbynta deilang ki nongsikai chynrang wa kynthai. Da pynbood sa i rwai na ki sister. Da yoh leh yei chad naki nongsikai Secondary, i rwai naki nongsikai Higher Secondary wa kiwi kiwi ki leh danda ki wa chim bynta da ki nongsikai Primary Section wa English section.

Da yoh leh yei leh drama wa tbian i wa em jingmut hei yatoh wa ki khynnah kiwa dang puræ deiwa pynkynmoo wa i pynlai jingmut ki du ha i puræ puthi ymtoh ngop ki ha i pynchoi wa boonjait.

Khaddooh da yoh ya ki kyntien sneiñ ya ki khynnah na ka Sr.Superior ka sister Rosina Susngi.

Share this:
Share on Facebook0Tweet about this on TwitterGoogle+0
Advertisement ad1