Advertisement ad1

Jwai: U Deputy Commissioner ka West Jaintia Hills District da ioh jingtip u wa boon ki seiñ hapoh ka district da leh kam beaiñ ki da i wa lai li peit li sylli ki da i bor iong ki hi ia ki nongkreh wa wan na bar jylla. Kini da leh ki da kiwa pynman ki da ki anti-infiltration drive wa ki checking ia kiwa kreh kahmtam ia kiwa wan na bar jylla.

Advertisement ad1

U DC ong u lada chem ia kiwon kiwon ki seiñ wa leh ia kini ki kam daw pynchitom ia ki kat kam ka aiñ.

Ong chuh chuh u DC; ki Police wa ki Anti-Infiltration Units donhi wa embor u leh ia kini ki kam peit ia i lai i wan ki nongkreh na bar jylla.  Kyrpad u leh ia ki paidbah wa u wan ki cha ka ophis iong Oo lada chem ki ia ki seiñ wa leh ia kam kini ki kam beaiñ.

 

Chah dat uwi u tre dukan ha Nangbah

Nangbah: U wi u khynnah khynroo u wa tip pyrtuit kam u Ram Pasi u wa em dukan DTP ha Nangbah da chah bom shah dat u haduh wa mynsoo jur u ha uwi u bru uwa tip pyrtuit kam u Bin Sungoh.

Kani da jia ha ka 13-08-15 ha i por 9:00 waje i miet ha kawa u Bin sdang  kynroi u ia u Ram dei wa tan u ia Oo na kjat cha surok. Hadien ini, u Bin da sdang u bom u choh ia u Ram na khlieh haduh wa hap rah ia Oo cha ki doktor.

Ini i iachoh da mih i na i daw wa u Bin chrai u wa u Ram leh buh dukan DTP kam i iong Oo hi.

Katkam wa khynna ka beipun u Ram da ong ko wa u Ram haduh katni leh dang em u ha ki sumar iong ki doktor.

 

Noh synniang ka ICKDS cha ki khon swet ha Wahiajer

Jwai: Ka “Ia Chan Kylliang Development Society” ka seiñ kreh mon sniawbha kawa dang mih ha ri lum Jaiñtia kam chi bynta wa lehkmen sngi laitluid ka ri India da lai noh kylluid mynsien ko ha kawi ka thaw ri khonswet (Children’s Home) ka wa em ha ka chnong Wahiajer kawa da seiñ da ka KJP Synod Mihngi.

Kani ka thaw ri khonswet da peit da sumar ko ia 20 ngut ki khynnah.

U Rev. N. Syngkli ha kani ka sngi sniaw kmen u wa em wa kynmoo ia kini ki khynnah neibhah e mynsein ko ia ki chiboon wa kamjuh ia ki wa kreh ha kani ka Children’s Home. Khynna u wa  boon naki khynnah ha ki por wan sah ki ha kani ka Children’s Home man ki kiwa tlot ha ka met ka phad tangwa wa da i sumar kiwa kreh katni da man ki wa smat wa stiñ wa kiwa chait ka khiah. Chuh chuh u pastor  Syngkli da ong u wa ka jingthmu iong kani ka thaw ri khonswet toh u iarap ia kiwa chah ieh bein wa kiwa ym em kur em jait wa ye u iarap ia ki.

Ia kani ka Children’s Home da sdang iaka ha ka 14-03-15.

Share this:
Share on Facebook0Tweet about this on TwitterGoogle+0
Advertisement ad1