Advertisement ad1

Jwai: Ki nongkreh iong ka Jwai Municipal Board (JMB) da maham ki wow sangeh kreh kam khlem buh por (pen down strike ) neibhah wym ap wym sniaw iong ka tnat Urban Affairs ia i dawa iong ki  u su ia ka tulop iong ki nongkreh kawa  sah la kamwa 5 bnai, kattae naduh u bnai Wisu-Naiynñiaw 2015.

Advertisement ad1

Ka khubor wa tikna da khana ko wa ki nongkreh iong ka Jwai municipal Board (JMB) da chim ki ia kani ka rai toh ha ka 4th tarik uni u bnai neidaw wa ka tnat  pynroi sor wym ap wym sniaw ko iei jingeh iong ki nongkreh ka JMB, Jwai. Hawa na kapor cha kapor ki nongkreh ka JMB da phah ki dei jingthoh leh cha u Chief Executive Officer ka JMB wow dawa  ia ka hok iong ki kat u yoo haduh katni leh wym  ioh ki ia ka tulop iong ki. Dang ha kini ki sngi leh ki nongkreh iong ka JMB Jwai da dep phah ki ia ka dorkhas iong ki cha u Director Urban Affairs Department neibynta u dawa ki iow pynioh ia ka tulop wei kamjooh leh ia ka arrear naduh wa rebais ia ka tulop. Ia katae ka dorkas da phah lang leh cha u Deputy Commisioner West Jaintia Hills District.

Ha katea ka dorkas ki nongkreh iong ka JMB Jwai dabooh por ki ia ka tnad pynroi sor haduh ka 10th tarik uni u bnai wow su ko ia ka tulop chirup wa ka arrear. Lada ka tnad pynroi sor ym su ko hapoh i por wada buh, ha ka sngi kawa bud (11/8/15) u sdang ki dei iakhih iwa khlem buh por.

Ha ka juh hi ka sngi (4/8/15) ki nongkreh iong ka JMB da chna ki leh  ia ka Jwai Municipal Board Employee’s Association (JMBEA) ka wow peit ia ka bha ka miat ki nongkreh iong ki, da jied leh ia ki nongkitkam  ha kawa ia ka kam president da jied ia u ma Shilandu Amse , u vice-president  da jied ia u ma Jumki Kynjing , ia u scretary da jied ia u ma Da-o-wan Nartiang, assistant secretary da jied ia ka kong Ireneda Lyngdoh wa ia ka kam treasurer da jied ia ka kong Ioorika Tariang.

Share this:
Share on Facebook0Tweet about this on TwitterGoogle+0
Advertisement ad1