15 49.0138 8.38624 1 1 4000 1 http://wyrta.com 300 0
Advertisement ad1

Maham u DC ka WGH ya ki bei ki pa wa chah ya ki khon yong ki wa hapoh 18 snem wow yah kari

0 Comments

Jowai: U DC ka West Garo Hills District u Ram Singh da pynmih hukum u wow pynchitom ya ki bei ki pa ki khynnah wa chah u yah kari ar chaka kiwa dang hapoh 18 snem kiwa ym em License wei kiwa yah khlem sap Helmet hadien wa chem wa da boon ki khynnah wa lai skur da leh ki ya ini.

Daw pynchitom leh ya ki Bus wa kit bru palatpood kiwa em ki khynnah skur kiwa spdong na kini ki Bus.

U DC da kdaw u wa ka aiñ Motor Vehicle Act, 1988 da khang ko wow yah ya kiwon kiwon ki jait kari da kiwa dang 18 snem chapoh kiwa ym ye hi leh wow yoh License wow yah kari wei ya kiwa leh pyrchah ye ki wow chah kset patok hadooh le bnai wei kamjooh u chah daiñkuna.

Da ong u leh wa heiyatoh wa ki Bus, ka aiñ da khang ko wow kit palatpood wei wow chong ki bru cha tnoom wei deiwa spdong na ki dwar namo kiwon kiwon ki bynta ka Bus.

Chooh chooh da ong u wa em ki skur wa pynemkaam da ki kari ki bru samen kam ki Van wow kit khynnah skur kiwa ym em yoh License wow leh ya ini wei da pynkhynnia ki yaka sarok deiwa pynyeiñ kari ki kat cha wa yoh.

Da e nongmuna u leh yaka mukotduma wa da yaleh haka High Court ka Hyderabad ha u Wisu (March) 2018 heiwa da chah pynchitom 69 ngut ki manbei manpa hadooh kiwa kitkhlieh ya ki khynnah wa hapoh 18 snem wa chah ki u yah thuk thuk ki khlem License wei da chah kset patok ki.

Kamtæ da phah u ya waroh ki thaw puræ, ki manbei manpa wow chimkhia ki ya kani ka kaam wei wow bood katkam ka aiñ.

Advertisement ad1

0 Comments

Leave a Reply