15 49.0138 8.38624 1 1 4000 1 http://wyrta.com 300

Maham yakhih kiwa sikai SSA lada ym yoh tulop hapoh ka 19 tarik

0 Comments

Jowai: Ka Meghalaya Sarva Shiksha Abhiyan School Association (MSSASA) kawa mihkhmat neibynta ki 12541 ngut kiwa sikai SSA kiwa da yoh yei sikai pynbniah kamjooh kiwa ym pu ym pyndep ya ka sikai pynbniah kiwa em ha palat 5000 tylli ki skur SSA ha waroh kawi ka jylla, ha kani ka 14 tarik da e ko da ka Demand Notice ha ka sorkar jylla lyngba ka State Project Director State Education Mission Authority of Meghalaya (SEMAM) yow pyllait noh ya ka tulop yong ki kawa da sah kattu la 5 bnai nadooh Naitung (April) hadooh u Naisaphar (August) 2018 waka 8 bnai ka Arrear yong u snem mang poisa 2016-17 kattæ nadooh ka Naiynñiaw (July) 2016 hadooh u Thohlakhmi (February) 2017 deiwa e por hadooh ka 19 tarik uni u bnai wow leh ya ini.

Ka seiñ da ong ko lada ym leh ya ini katkam i por wa da booh ym yohsa de ko wow pynman da ka yakhih wa jai jai deiwa chim chuti lut kiwa sikai (Mass Casual Leave) ar sngi haka 24 wa 25 tarik uni u bnai wei daw pynbood won sa i chah thngan wa ar sngi ha ka 11 wa 12 tarik u Naichiphaw (October) 2018.

Ya kani ka rai da chim ha ka yalang ka Central Executive Committee ka MSSASA Central Body kawa pynman ha ka 13 tarik uni u bnai. Yeini da leh hadien wa u montri rangbah u Conrad K Sangma da pyntip u wa ka sorkar dang emkaam ko sa kamwa le hadooh soo tayaw wow pynlait ya ka tulop hadien wa yachem ka seiñ wa oo ha ka 13 tarik uni u bnai.

Ka MSSASA da pyntip ko leh wa katkam ka yutip wa tikna da tip wa ka MHRD, DSE&L, Govt. of India da dep phah ko ya ka poisa Adhoc Installment cha waroh ki jylla wa ki Union Territories nadooh u Naitung (April) wa u Naisan (May) 2018.

Kamtæ ka seiñ da ong ko wa lada ya ka poisa Adhoc Installment da phah cha waroh ki jylla kammon won ka jylla Meghalaya ym em yoh ko wei daw paan pynche yeini naka State Project Director ha namo chwa ka 19 tarik uni u bnai deiwa paan sabut leh da ki kot ki sla wa yatoh wa kini ki kaam.

Ini toh katkam wa pyntip u H. M. Marbaniang, General Secretary ka Meghalaya SSA School Association, Central Body.

Advertisement ad1

Pynman pynkhooid dong ka Mukhla Wahchnong kam ....

Previous

Chah kem uwi u khynnah na iwi i dukan wa chah ....

Next

0 Comments

Leave a Reply