Jowai: Kamwa leh lang ha waroh ki skur yong ka Ri India wow leh warom sah kynmoo ya ka sngi kiwa sikai kawa tip leh kam ka Teacher’s Day, ynne ka 05 Naikhynde ka All Mihmyntdu School Joint Committee (AMSJC) West Jaiñtia Hills District, kawa em hadooh 16 tylli ki skur, da leh warom ko ya kani ka sngi wa kyrpang yong kiwa sikai.

Ya ka yalang ha kani ka sngi da pyllai da u Lamjingshai Suchiang Principal JMA Secondary School Mihmyntdu, katwa u ma Kynsai Bareh uwa man kam u kongsan, u Bareh hei klam da kyntu kynpham u ya ki khynnah skur wa ymtoh u burom ki ya kiwa sikai du ynne ka sngi donhi, i burom ya kiwa sikai toh u man i man ka sngi, i burom toh leh i wow sdang chwa na yung yow ye u pynbood chalait.

Advertisement ad1

U Bareh da pynkynmoo u leh ya kani ka sngi kawa man leh ka sngikha u Dr. S. Radhakhrishna u President warim ka Ri, uwa jooh man leh kam uwa sikai heipor yong oo, heiwa da pynman ya kani ka sngikha yong oo kam ka sngi wa kyrpang yong kiwa sikai.

Chooh chooh u Bareh da ong u wa kiwa sikai man ki kam ki bei ki pa kiwa ar yong ki khynnah næ ki khynroo wa puræ. Kiwa sikai em ki leh i kaamram iwa eh hadooh kattæ kattæ neibhah haap ki u kreh nadooh i step hadooh i janmiet, ym toh du itæ em leh iwa haap kreh palat por yow yoh ki khynnah yei stat i tip.

Da pynphooh pynphieñ ya kani ka sngi da ki chaad kam ka Chaad Pliang, ki Rwai, ki Yalehke Drama, ki Fancy Dress ki wada wan yachim bynta da ki skur waphær waphær kam na Mihmyntdu RC EVE Sec School, RE LP Shool, Riat Saliya LP School, Mihmyntdu Presbyterian LP School, Lumpyrtuh LP School, Lumchyrmit LP School, St. Thomas UP School Thadlaboh Presbyterian District School, Lumpyrtuh Secondary School, Police Public Secondary School, Mihmyntdu Secondary School, Lumpyrtuh LP School, Lumchyrmit LP School, St. Thomas UP School Thadlaboh Presbyterian District School, Lumpyrtuh Secondary School, Police Public Secondary Shool, Mihmyntdu Secondary School, Lum Chyrmang LP School, Jingshai M.A Secondary School, Don Bosco English School, Mookynphad LP School, wa kiwi kiwi.

Ha kani ka sngi nalor kiwa sikai ki khynnnah skur da emlang leh ki Waheh Chnong, Waheh Dong kamjooh ki manbei manpa wa ki paidbah.

Share this:
Share on Facebook0Tweet about this on TwitterGoogle+0
Advertisement ad1