15 49.0138 8.38624 1 1 4000 1 http://wyrta.com 300

Mih ka seiñ SSCF wow pait yei bha i miat kiwa da tymmen

0 Comments
Advertisement ad1
Advertisement ad1

Shillong: Kiwa chong chnong wa da heh ka nongbah Shillong da pynbna paidbah ki wa da chna ya ka Shillong Senior Citizens Forum (SSCF) neibynta wow pait yei bha i miat kiwa chong chnong wa da heh næ kiwa da noh rta ha kylleiñ da ri Khasi-Jaiñtia.

Hawa yaklam wa kiwa pathai khubor ynne ka sngi u President ka SSCF, u Herman Nongrum da ong u wa kani ka seiñ u kreh ko leh neibynta wow yarap ya waroh kiwa chong chnong ka ri Khasi.

Advertisement ad1
Advertisement ad1
Advertisement ad1

Da ong u wa ki phang krehkaam wa hakhmat dooh kani ka seiñ toh wow pait ya kiwa da heh rta wow yoh ki yei hok wa da booh da ka sorkar India, katkam ka Senior Citizens Act 2007 wei ka sorkar jylla leh u pynkrehkaam pura ko ya kani ka aiñ.

Kiwi won ki phang toh neibynta ki laad sumaar ha i kjuti chitom ki bru wa da tymmen, wow dawa pynku ya ka scheme bai-baam ka wym dun ya ka T.1000 chi bnai, wei wow pynsñaw yei hok kiwa toh u yoh ya ka.

Ha iwi i liang u Vice-President ka SSCF, u Khrawbok Basaiawmoit da ong u wa ka forum daw pteiñ luti ko leh u kreh neibynta ki khynroo khyllood ka jylla ha kiwa boon ki liang neibhah kam ka seiñ yong kiwa da heh rta kam kiwa em i chemphang wei sñiawthooh ha kiwa boon ki liang katkam ki kaam wa kreh ki.

“Da man i kam ki kñi næ ki pa wei sñiaw i wow man kiwa yah luti ya ki khon khynroo khyllood, wei kam ka seiñ u chim i ya i bynta wow yahluti ya ki cha ka mynried kawa tyrchaaiñ khamtam ha kani ka juk wa boon kiwa stat wa tip tangwa em ki hapyrdi i kulmar yumut,” da ong u Khrawbok.

Heijooh i por kiwa yahkhmat ka SSCF da ong ki wa daw kreh lang ko leh wa ka Meghalaya Pensioners Association neibynta wow yakhun ya ka bai-baam tymmen kiwa da kreh ha ki chnat sorkar heipor wa biang neibhah kamwa man katni, ki bru wa da chong-ngiah na ki kreh sorkar chimpor 5 næ 10 snem wow yoh ka bai-baam tymmen.

Hapoh le bnai e por ka HC ya ka sorkar wow su ....

Previous

Maham ujor ka MPUF pyrchah ya ka Umtyra Weighb....

Next

0 Comments

Leave a Reply