Advertisement ad1

Jowai: Ka All Jaintia Hills Social Welfare Organisation (AJHSWO) toh ka seiñ krehmon sniawbha kawa dang mih thymme na Jaintia Hills kawa thmu u kreh  da i li pynche ia ki paidbah khamtam kiwa sah cha nongkyndong da ki awareness programme ha ki phang wapher wapher wa kiwa emkam ki paidbah u sniawthooh.

Da thmu kani ka seiñ leh u pynneh pynsah ia ka khyndaw ka chiap, ka rep ka riang, i stad iong ki warim wajah, ka soor ka thain, wei wa kamon u e hikai ia ki wa sah cha nongkyndong kammon u pynem kaam ia ki kor (Scientific Ideas & Technologies), u pynneh pynsah iaka riam ka beit kat kam i rukom iong u warim, u pynneh pynsah ia ka spah mariang (Sustainable Development), ia ki ialehke Sports wa u pynsniawthooh ia ki kam wa sih kam ka dih kiad, Drugs wa i kjut AIDS (Social Evil), kamon u seiñ kaam seiñ jam lane u yieñ hajrong ki kjat iong iong i hi, u e iarap ia kiwa chem jingeh ha ka jingim ki, u pynboon ia ki thaw e hikai ha ki thain nongkyndong, u pynchlur wei wa u pynsniawthooh ia ki bru ia ka kaam tourism wa kiwi kiwi de ki kaam kiwa ye u wanrah ia ka myntoi ia ki bru hapoh ka Ri-loom Jaiñtia.

Advertisement ad1

Hajrong kini ki thmu iong ka seiñ, ka seiñ da pan ko i kyrchan na ki paidbah u krehlang wa ka seiñ khnang wa ka seiñ u ye ko u pynman ia i thmu ko iwa man sakhiat. Ha i jooh i por ka seiñ da jied ko ia ki nongkit kaam wa chipor ki iong ka kiwa kynthup ia u President Ram Biam, Vice President Lung Hadia, General Secretary Khriang Dhar, Assistant Secretary Lasborn Thubru, Finance Secretary Thij Hinge, Organising Secretary Deimon Garod deilang wa 19 ngut ki Executive Member. Kani man kat kam wa pyllait khubor u President ka seng u Ram Biam.

Share this:
Share on Facebook0Tweet about this on TwitterGoogle+0
Advertisement ad1