15 49.0138 8.38624 1 0 4000 1 https://wyrta.com 300 0
Advertisement ad1

Mih syndet ka khynnah skur HK Singh wow dawa yei hok ya ki luti lai kjet ki khynnah skur wa da chim kiwa chong dai madan

6 Comments

Jowai: Ynne ka sngi ka Wakanirin Manki Shullai, ka khynnah skur yong ka H.K. Singh Memorial Secondary School Jowai, kawi naki skur wa em hajan ka Iawmusiang, da mih ko chakhmat wow kylli wei wow kyrpaad leh yaki bor sorkar wow pait lang ya i eh o khoo yong ki kam ki khynnah skur hawa yatoh wa i lai i yieñ yong ki lyngba ka Iawmusiang, neidaw wa ha waroh tymbud luti lai kjat da dap da kiwa chong dai madan, khamtam haka sngi yaw iwa da wanrah ko yei maa yaki khynnah skur naki skur waphær waphær haw lai luti ki neidaw wa joor palat i khynnia.

Kani ka khynnah da mih syndet ko chakhmat wei da paan bor ko na u Deputy Commisioner ka West Jaiñtia Hills u Garod LNS Dyke wow klam ha i por wa pynman yaka yalang wa tbian ha pchem ka yung krehkaam u DC ha chwa wow sdang ka pynkhooid yaw ynne ka sngi ha Jowai.

Da emlang leh ha katai ka yalang u MLA ka 2-Jowai Constituency u Wailadmiki Shylla, u CEM ka JHADC u Thombor Shiwat wa kiwi de ki paralok MDC yong oo, u Deputy Commissioner WJHD u Garod LNS Dyke, ka R.S. Manner ka Additional Deputy Commissioner, u Superintendent of Police u Lakador Syiem, ki sahep waphær waphær ka District Administration, kiwa mihkhmat naki yaw waphær waphær, kiwa sikai, ki khynnah skur wa kiwi.

Hawa klam wa katai ka khynnah da ong ko, ya ki luti lai kjet wa da chna kyrpang neibynta i bha ka lai ka yieñ u paidbah kamjooh ki khynnah skur, tangwa iyi i daw wa i ym yoh i wow pynemkaam? da kylli ko. Da ong chooh chooh ko wa lada ym yoh u pynemkaam ya ki luti lai kjet wa da dap da kiwa chongdai madan, lada lai na sarok daw wanrah yaka khynnia wa i chah e Horn haki kari.

Da ong ko leh wa haka sngi wa bood wa kut ka sngi yaw manda lai skur da dap sa du ki jhep tymbud u surok wa ki luti lai kjet wei hap wow lai najrong i jhep. Kamtæ hajrong ini da kyrpaad ko wow leh iyi iyi neibynta i bha ki khynnah skur, neibhah ym kwah ki wow yoo ya kam ini waroh.

Neiliang u DC hajrong ini i dawa katai ka khynnah da kular u wow thooh laad thooh luti neibynta i bha.

6 Comments

  • October 2, 2019 at 6:32 pm
    Barris M

    Men listening to a teenage girls.. LOL.. 👽

    Reply
  • October 2, 2019 at 6:34 pm
    Barris M

    Men with the IQ of a teenage girl.. 👽

    Reply
  • October 3, 2019 at 1:49 am
    Sankiroi Bamon

    I appreciate this girl ,she talked for the welfare of the students and jowai people as a whole.

    Reply
  • October 3, 2019 at 5:59 am
    Elgiva Dora Shullai

    It is a shame for Administrators and politicians to be told to do their jobs by this Youngster. All eyes on you guys starting now.

    Reply
  • October 6, 2019 at 3:40 am
    Barris M

    Ka jingryiaw ka juk katni, heipor nachwa, ka kynthai ymioh tang u psiah ha dorbar.. Katni ioosar da jem daw ki chynrang, ymtoh tang ka kynthai, da ka khynnah kynthai wa siklai.. 👽

    Reply
  • October 13, 2019 at 4:27 pm
    marki

    Bun ki pli ki khynnah skur ki wa lai iaw chah klam sih klam sang ha ki kari man da lai na surok…. lym lai na surok neiwon won de u ioh u lai hawa da dap ki footpath da ki tiar kiwa dai…. this student should be crown for her voice

    Reply

Leave a Reply