15 49.0138 8.38624 1 0 4000 1 https://wyrta.com 300 0
Advertisement ad1

Mih yonglang ka NEHUSU wow beiñ yei chah dat u khynnah puræ kani ka skurbah

0 Comments

Shillong: ka seiñ ki khynnah puræ ka NEHU kawa tip kam ka NEHUSU ynne da pynman ko ya ka yalang paidbah dei thang mombati kam ka dak wow pyrchah wei wo beiñ yei chah thombor uwi na ki khynnah puræ kani ka skurbah ha ki damok ha ka tayaw wa dadep. 

Ki dkhot ka NEHUSU hawa mih paidbah ynne da dawa ki na ki pulit wow pynsmat ya ka takit wei da dawa ki leh na u khlieh kani ka skurbah (Vice Chancellor) wow pynboon ya ki bor sonteri ha ka wow pyntikna wa kiwa lai puræ im chngaaiñ ki hapoh u pood kani ka thaw. 

Chooh chooh da beiñ joor ki leh ya ki damok wa murieh khmat wa emkti wow thombor ya u khynnah puræ deiwa ong wa ymye kini ki khynnah sarok (damok) u pyntieñ ya ki khynnah waroh. 

Heiyatoh wa ini neiliang ka seiñ HYC NEHU-UNIT da beiñ joor ko yei kaam poh ki damok kiwa da dat da bom ya u dkhot ka seiñ ha ka skurbah NEHU.

Ka seiñ da ong ko wa ini i chah pynmynsoo u dkhot yong ka da pynskem i ya ka yurim ka seiñ wow yaleh wei wow yada ya i hok ka jaitbru wei dang pynkhlan wei dang pynskem chooh chooh i ya ka seiñ wa ka chnat ha kani ka skurbah. 

Ka seiñ da e khublei ko leh ya ka NEHUSU wa da yarap wei da emlang ko wa ka seiñ heiyatoh wa ini i jia ha kani ka skurbah. 

Chooh chooh ka seiñ da kyntu biang ko ya ki bor ka aiñ wow chimkhia u leh yeiwa emkaam hajrong ini i jia waroh.

Also Read: Chah dat u dkhot ka HYC-NEHU pyn ha i miet ka sngi wa sdang ya kani ka chnat

0 Comments

Leave a Reply