Advertisement ad1

Jowai: Ynne ka sngi ye ko u man ka sngi wow sah khana parom teiñ la pateiñ ha ki khon ka Dorbar Chnong Pamrakmai neibhah ki khon ka chnong da mih yonglang ki heiwow jied (Vote) ya u Waheh Chnong yong ka u wow kreh neibynta 3 snem.

Advertisement ad1

Dei sñiaw khia ki khon ka chnong da yang ki halait ka Community Hall ka chnong wow thap ya ki vote lyngba ka Ballot Paper nadooh kamwa 7:00 waje i step hanlada booh por wow sdang kani ka jied Waheh Chnong nadooh 9:00 waje.

Ha kani ka yakhun da em le ngut ki kyrtong kiwa kynthup ya u Arshi Siangshai, u Leo Dkhar wa u Lukas M. Shylla (uwa jooh man kam u Waheh Chnong).

Wow pyntikna wow lai bait lai ryntih kani ka thap vote wow jied ya u Waheh Chnong da em u Dolloi ka Elaka Jowai, u Puramon Kynjing chirup wa ki wakreh ka Elaka kamjooh leh kiwa kreh yong ka JHADC wa kynthup ya ki sahep wa kiwi kiwi.

Waroh ka vote wow jied ya u Waheh Chnong ha kani ka chnong da em ki 726 tangwa da poi won du 628 ngut.

Hadien wa kut i por wei manda ñiaw ya ki vote wa thap ki paidbah da chem kamni hawah:

Doubtful – 4

Rejected – 1

Arshi siangshai – 72

Leo Dkhar – 249

Lukas M. Shylla  – 302

Hadien ini da rai jop noh ya u Lukas M. Shylla wow man u kam u Waheh Chnong ka Pamrakmai.

Ye leh u ong wa kani ka jied Waheh Chnong ha kani ka chnong jooh pynman kamni heiwa da haap wow pynemkaam da ki Ballot Paper.

Share this:
Share on Facebook0Tweet about this on TwitterGoogle+0
Advertisement ad1