15 49.0138 8.38624 1 1 4000 1 http://wyrta.com 300

Mynsoo joor ka Agnes Kharshiing wa kawa bood yong ka hadien wa chah dat ha ki paidbah ha Tuber Shohshrieh, EJH

0 Comments
Advertisement ad1
Advertisement ad1

Jowai: Ynne i sngi heipor kamwa 1:30 ka President ka CSWO ka Agnes Kharshiing chirrup wa kawa bood yong ka kawa tip kam ka Amika Sangma da chah dat ki ha ki paidbah kiwa em kamwa palat 30 ngut ha ki thaaiñ Tuber Shohshrieh, EJH hadooh wa da mynsoo joor.

Katkam wa pyntip uwa yah kari kamai Tourist wa chim wai ka Agnes ya ka kari u uwa tip kam u Emiki Kurbah nynkong da lai yachem kaam ko wa ki pulit ka Lad Rymbai Police Out Post wei hadien wa dep ko wow yaklam wa ki da mih biang ki wow liwan cha Shillong.

Advertisement ad1
Advertisement ad1
Advertisement ad1

Heipor wa liwan ki, ka Agnes da chondur ko ya ki truck kit mooyong kiwa em cha sarok wei da yoo ko ya kawi ka truck wa em cha poh khloo (ha Tuber Chohchrieh) wei ki leh da psiah ki na kawi ka sarok khyndaw yow li pait ya ki truck wa pynyieñ cha kani ka khloo wei manda uiñ ki chwa wow yoh u poi cha sarokbah da khang ya ka luti da ka kari Gypsy, wa kiwi ki kari.

U Emiki da ong u wa heini i por da em kawi ka kynthai wa knieh ya u chabi kari u wa ka Phone yong oo kamjooh yong ka Agnes wa ka Amika wei da sai ya ki napoh kari wei da sdang ki wow dat u bom ya ki da ki dieñ ki moo wei da em ki kamwa 30 ngut ki bru.

Ya uwa yah kari da em wa taan oo cha rood yow lait u chah dat wei da kyrpaad u ya ki wow yada ya ka kari u neibhah da maham ki wow thang ya ka kari u wei da kit ya oo da ka Bolero cha i thaw wa jngai na iwa jia ini wei da pynlait ki oo manda yut lut ki bru wa dat ka ka Agnes wa ka Amika wei da lai u dei kjat cha ka kari u wei da hær u wut cha Jowai yow pyntip ya ki pulit.

Neidaw wa kani ka thaw wa jia da haap ko cha ka thaaiñ EJH da pyntip cha ki pulit yong ka District kiwa da wan cha ini i thaw wa jia ha Shohshrieh wei nyngkong ym chem ki ya kiwa chah dat tangwa ha ini i por ka Amika Sangma da ye ko u khai yow lai hadooh wa poi u sarokbah wei da kaweh kti ko ya ki pulit wei da kit ya ka cha Ialong Civil Hospital wei ya ka Agnes won da chem na iwi tawon i khloo wei ym em yong bru de ko wei da kit ya ka cha Ialong Civil Hospital wei hadien ini da kit noh ya ka cha NEIGRIHMS.

Da ong wa ka Agnes wa ka Amika da mynsoo joor ki na i bynta yong i khlieh.

Neiliang u Wyrta daw pyntip chooh chnooh i cha phi hajrong ini iwa jia.

Ha ka 9 tarik u sdang ka 10th Mawryngkneng Gre....

Previous

Jop ka Moodymmai ha ka 3rd Division waka 7 Was....

Next

0 Comments

Leave a Reply