15 49.0138 8.38624 1 1 4000 1 http://wyrta.com 300

Nadooh 23 hadooh 29 tarik u pynyoo ya ka INAMORATO ha Bijou Cinema, Shillong

0 Comments

Jowai: Ka phlim Pnar wa pyrtuid INAMORATO kawa chna wei pynwan dur da u Jimmy Raul Kharmuti, daw pynyoo paidbah ya ka ha Bijou Cinema nadooh ka 23 tarik hadooh 29 tarik uni u bnai.

Kani ka phlim toh kawa da slem kwah ki paidbah u pait, heiwa kani ka phlim da klam ko chaphang i jæd i pra ka chongkha chongman wa i sih wa mih na ini iwa ktah ya ka  imlang sahlang.

Hawa yaklam wa ki kattu katni ngut ki waheh kamjooh ki manbei da ong ki wa da jhan bha ki u yoh u pait ya kani ka phlim neibhah wa katik ko yei pyrkhat pyrdaiñ.

U Director kani ka phlim INAMORATO, u Jimmy Raul Kharmuti da ong wa kyrmen u wa ki paradoh parasnaam wa waroh kiwa chong chnong yong ka jylla u wan ki wow e kyrchaan ya kani ka phlim deiwa wan sakhi ki dei khmat yong ki ha Bijou Cinema Hall.

Neiliang kiwa ak ha kani ka phlim, u Mutshwa Thabah da ong u wa i kyrchaan wa i e mynsien yong ki paradoh parasnaam man ko kawa kongsan bha wow pynku ya kani ka phlim.

Ka Nancy Kharsati wa ka Jenny Lyngdoh da kyrpaad joor ki ya waroh ki para kur wa ki paradoh parasnaam wow kyrchaan kyrpang ya kani ka Phlim deiwa yawan paidbah wow kyrchaan kyrpang ya kani ka Phlim ha Bijou Cinema Shillong.

Tooid ki khubor sñiawlem ya u Poipynhun Majaw

Previous

Chem ki khynnah skur ya iwi i metyap wa pasi h....

Next

0 Comments

Leave a Reply