Advertisement ad1

Ka wi ka manbei kawa tip kam ka Rita Haorei da khlaad ko nadooh ka 7 tarik uni u bnai ha ka chnong Leingangching, Kamjong District Manipur tangwa hadooh ynne leh ympu yoh kiwa hayung yong ka u tlep yei metyap ko neidaw wa khang ka chnong neibhah wa ngait ko ya ka niam Catholic.

Da ong wa heipor wa mih lai tlep kiwa hayung yong ka Rita da chah khang pyrchah ki ha ki dkhot ka chnong.

Advertisement ad1

Katkam ka yutip wa yoh, kani ka manbei toh kawi na ki san tylli ki manyung kiwa da bood ya ka Balang Catholic ha kani ka chnong heiwa ka chnong da pynmih hukom wow boon du ya ka wi donhi ka niam Christan.

Ka Rita toh kawa na ka jaitbru Tangkhul wei chirup wa san tylli ki manyung hapoh kani  ka chnongh da bood ki ya ka Balang Catholic ha u snem 2009 tangwa hadien ini da chah beh ki na ka chnong wei da tympiah tympra ki ya ki tiar ki tar yong kini ki manyung.

Katkam ka riti-synchaar kani ka chnong toh kawi ka chnong wa kawi ka niam namo One Village One Religion.

Kani toh ka sien wa le heiwa ka chnong ym chah ko ya kiwa da khlaad na kini ki manyung wow tlep ya i metyap yong ki, chisien da jia i ha u 2014 wa ha u snem 2016 heiwa da haap lai tlep ki ya i metyap yong ki cha kawi tawon ka chnong.

Ka Tangkhul Catholic Community Shillong ka All Naga Kuki Catholic Youth Association Shillong wa kiwi ynne ka sngi da beiñ joor ko yeiwa jia ya ka Rita Haorei, kawa man leh ka kurim u Yangmi Haorei deiwa kyntu wa emkaam wa ka chnong Leingangching wow pdiang ko yei ngait niam ki bru iwa da ebor hapoh ka Constitution ka ri India.

Share this:
Share on Facebook0Tweet about this on TwitterGoogle+0
Advertisement ad1