Jowai : Ki Petrol Pump ha waroh ka ri India da rai ki wym pdiang de ki ya kiwa su bai phniang da ki Credit Card wa ki Debit Card nadooh mynstep ka 9 tarik neidaw wa ki bank da thmu ki u ah 1% na i dor wa su lyngba kini ki card.

Ka seiñ All India Petroleum Dealers Association (AIPDA) da ong ko wa lada chah ah ki 1% neiwa su ki paidbah i dooh nong ya ki ym toh de iwa ke heiwa daw dooh nong ki ar chah ya ka nong wa yoh ki neibhah ka nong yong ki man ko kawa khian bha.

Advertisement ad1

Ki Petrol Pump toh du ki ha ka ri wa ya ki kor PoS wa pynemkaam yow su da ki Debit wa Credit card toh kiwa da e mynkna cha ki da ki bank, kamtæ ki ym kwah ki wa ya ka 1% u pynkit cha ki paidbah wow su ka heiwa da sa-ad chwa i dor phniang.

Neiliang ka Oil Ministry leh da ong ki wa da pyntip ki wa daw phah pyndam noh ki ya ki bank wow ah 1% heipor wa su ki bru da ki Debit wa Credit Card.

Ka AIPDA leh ong ko wa lada ka Paytm wa kiwi ki App lada sdang ki u ah ya ka poisa heipor wa su ki paidbah, ya ki leh ka seiñ daw dam noh ko u pynemkaam.

Share this:
Share on Facebook0Tweet about this on TwitterGoogle+0
Advertisement ad1