15 49.0138 8.38624 1 1 4000 1 http://wyrta.com 300

Nei chare masi chei CEM ka JHADC, khana u Madonbai ya ka parom u hawa chah pynkup burom

0 Comments

Jowai: Ha ka Ri India u khynnah uwa dai cha da man u kam u montri rangbahdooh ka Ri katwa ha Ri Loom Jaiñtia uwa chare masi wei khayi dakha da ku u cha ka kyrdan Chief Executive Member (CEM) ka Jaiñtia Hills Autonomous District Council (JHADC), uni u MDC toh uwa na ka seiñ National People Party (NPP) na Khliehtyrchi-Sohmynting Constituency, u Madonbai Rymbai.

Ini toh katkam wa ong u Madonbai hawa e i klam ha ka yalang pynkup burom ya oo hawa yoh u ya ka chuki CEM ka JHADC wa pynman da ka Dorbar Chnong Khliehtyrchi ynnin ka Sngi Thohdieñ ha madan Mookyniang, Khliehtyrchi hei emlang u MP ka Shillong u V.H. Pala, u MLA ka thaaiñ, u Wailadmiki Shylla, ki MDC ka JHADC wa kiwi kiwi.

Advertisement ad1
Advertisement ad1

Ka Dorbar Chnong ryngkat ki dong ki chnat ki bru samen da pynkup burom ki ya oo da ka ryndia tlem, wa kiwi kiwi i e sñiawbha.

U Madonbai da khana u wa heipor wa dang khynnah u kamwa 13 snem da man u uwa chongchit bha wa ki kaam saiñ hima wei da booddien u ya ki waheh ha kani ka kaam wei ha u snem 1987 da dap u 18 snem wei da yoh u wow thap vote wei hadien ini da thung ya oo kam u President ka Youth Congress Khliehtyrchi Circle tangwa hadien wa kreh sorkar u da ieh noh u yei kaam politics.

Da ong u leh wa chwa wow psiah kaam sorkar ha u snem 1992 da ieh noh u ki ha u snem 2002 hadien wa da seiñ u dei yong oo i khih wei ha u 2004 ka Khliehtyrchi da kwah ko ya u kyrtong wow wanrah yei kylla wei heini da wailaad ya oo wei da yakhun noh u ya ka Election MDC.

“Mar ya jop da e nyngkong O ya ka DC LP School ha Wah Lama wei nga da thung kaam sorkar O ya kamwa 5-6 ngut ki khynnah khynroo katkam ki kyrdan puræ yong ki,” da pynrap u.

Hawa kyruiñ dien cha ka puræ puthi yong oo, u Madonbai da khana u wa ha u snem 1980 jooh lai skur miet u hadien wa wan chare masi u wei em kiwa sikai ya oo ha ka Class V kiwa tang ya ka Matric leh ympu lait ki tangwa ha kani ka por emkaam wow pyndep Graduation wa ka Experience.

“Nga ymtip O wow thoh wow puræ tangwa du i kreh chitom donhi,” da ong u Madonbai.

Hajrong i kaamram yong oo kam u MDC ka Khliehtyrchi, u Mandonbai da kular u wa hapoh 15 Duyatra 2019 u wanrah u T. 50 lak wow chna pyndep noh ya ka Community Hall.

Chooh chooh da pynbna u wa nadooh ka 10 tarik uni u bnai daw yaleh u wow e yarap cha ki manyung wa dooh khamtam da ki tin tymmoh yung.

Neiliang u Vincent Pala da yaroh u ya u Madonbai kam u bru uwa kreh chitom, uwa da maad chiboon i eh lyngba ki khubor.

Da ong u leh wa wow man CEM ar sien ymtoh iwa suk lada ki para MDC ym yoobiang ki, deiwa kyntu ya oo wow man u bru uwa kitkhieh ym kam u bru wow dai ri.

U Vincent da ong u leh wa kiwi kiwa mihkhmat wan ki cha Delhi du wow lai yaaw katwa u Madon won wan u cha Delhi ryngkat wa ka file wow yaklam wa ki montri ka sorkar pyrdi neibynta u myntoi ka JHADC wa ka District waroh kawi.

Advertisement ad1
Advertisement ad1

Ar ngut kiwa Bat ka Uttarakhand kiwa yoh 200 R....

Previous

Da wai ya ka yung krehkaam wa yung skur ka Sei....

Next

0 Comments

Leave a Reply