Advertisement ad1

Khliehriat: Katkam ka khubor kawa da yoh lyngba u Yonis Dkhar, Vice President yong ka seiñ Southern Border Youth Welfare Association (SBYWA), Elaka Rymbai & Lakadong, East Jaiñtia Hills District Khliehriat da ong u wa u sarok wa lai wa wan ki paidbah yong ka thaiñ khappood wa kynthup ya ka Suchen, Dhana, Suchen Lum Jaraiñ, Suchen Mulieh, Suchen Chnongrim wa kiwi ki de ki chnong khappood næ kiwa tip leh ya uni u sarok kam u Rymbai-Suchen -Iapmala watoh u uwa lai cha Leskha wa chadooh Shnongpdeng da booh u yei ma ya ki paidbah wa lai wa wan.

Da ong wa uni u sarok hei bynta i pyrdi ka wa lai cha Suchen-Iapmala da chem wa da em i ngam u iwa da booh hei ma ya ki paidbah khamtam kiwa lai neiliang tidiang.

Advertisement ad1

U Dkhar da ong u wa ini i ngam uni u sarok toh neidaw wa da joor u slap ha waroh chi tayaw yong uni u bnai heiwa kiwa rep da dooh nong bha ki khamtam kiwa rep kba rep khoo hawa da chah ktah ki ha waroh ki liang heiwa ki bru katni nadooh wa khang ka NGT ya ka khayi mooyong da sdang ki u rep wei u seiñkhih deiwi.

Kamtæ kam ka seiñ kyrpaad ko ya ka sorkar lyngba ka yungkrehkaam u Deputy Commisioner, East Jaiñtia Hills District wow yarap ya ki bru wa chah ktah yong ka thaiñ.

Da kyrpaad ko leh ya ka tnat PWD, ki MLA, ki MDC ka thaiñ wow chimkhia ki u pynbha noh wut wut ya u tai u sarok wa ngam khnang yow u suk ki paidbah hei lai i wan khamtam kitai ki soo chnong da booh ko hei eh i khroo ya ki.

Share this:
Share on Facebook0Tweet about this on TwitterGoogle+0
Advertisement ad1