15 49.0138 8.38624 1 1 4000 1 http://wyrta.com 300 0
Advertisement ad1
Advertisement ad1

Ong ka sorkar wow pyndooh bor diñ 3 kynta ha ri-loom Jaiñtia katwa cha ka thaaiñ Narpuh dooh 12 kynta chi sngi

0 Comments
Advertisement ad1

Jowai: Ki paidbah kiwa em haka thaaiñ Narpuh nadooh Umtyra Nongsning ter ter, nadooh wa ka chnat bordiñ da pynthymme ko yei por pyndooh bordiñ namo ka Load Shedding, da chem wa haka East Jaiñtia Hills District waroh kawi da dooh bordiñ nadooh 9 waje i miet hadooh 12 waje pyrdi synyaw.

Tangwa haka thaaiñ Narpuh i dooh bordiñ pteiñ ko nadooh 6 waje i janmiet hadooh 6 waje i step.

Advertisement ad1

Ka bordiñ da poi ko hei sngi wei kattæ leh boon ki sngi man ko kawa chah pyndooh.

Ini i pyndooh ya ka bordiñ man ko mar chawa yoo yeiwa da pynbna ka sorkar yei por pyndooh bordiñ iwa da hap ki paidbah wow im hei doom ha kani ka thaaiñ.

Ini da booh ko yei chitom ya kiwa boon khamtam ki khynnah skur kamjooh leh ya i khih i khan ki bru.

Kamtæ da kyrpaad yaka chnat wa toh u pait ya kani ka kaam wow pynche ki cha ki paidbah neiyi i daw wa kani ka thaaiñ wa man ka miet khlem pynbna kawa biang da chah pyndooh bordiñ ki ym katkam i por wa da booh da ka sorkar.

Ki paidbah leh da lyngngoh ki ya ka bai bordñ su biang hi man u bnai tangwa i e bordiñ won ym em man i iwa tikna.

Neiliang ki paidbah da ngooh ki ya u montri wa toh u pait ya kani ka kaam wow chimkhia ki wei ym toh u pait chilliang ya i chem chitom ki paidbah.

Advertisement ad1

0 Comments

Leave a Reply