Advertisement ad1

Jowai: Ki nong chongchnong iong ka Laskein Block, ka wi na ki Block kawa heh ha West Jaintia Hills District kawa em da ki phaw phaw tylli ki chnong wa heh waki chnong khian kiwa lait u lai  da ka kari wa kiwa ym pu leit u lai kari da chem jingeh ki hei wa ym em dawai kani ka Community Health Centre (CHC) kawa em haka chnong Laskein.

Ki nongchong chnong iong kini ki chnong wa hap ha ka Laskein Block da chem chitom ki ha wa lai chim dawai na kani ka CHC da ong ki wym jooh ioh dawai ki man ki por wa lai thooh dawai ki na kani ka CHC ia ki dawai wada thoh (prescribe)  da ki Doktor wa em ha kani ka CHC wei wa  da hap lai theid beit ki naki thaw dai dawai kam ki Pharmacy iong samen (private pharmacy). Da ong haroh ki wa kat ka CHC toh u em ki dawai ko khmatam ia ki jait kjut wa jooh khai langær cha kini ki thaw. Kawa phylla ia ki wa tang iwi i dawai leh ym jooh ioh na kani ka CHC. Ong haroh ki wa ki thaw dai dawai iong samen leh dang duna ki dawai ki weiwa ki wa boon hi ki dawai da hap beit ki u lai theid chadooh cha Jowai.

Da ong ki wym myntoi u em kani ka CHC ha kani ka Block neibhah ioh du u lai phah peit (check)  heh ha ki doctor katwa ia ki dawai ha duk ki u lai theid nawi, ” lada lai ki cha ki Doktor samen (private doctor) cha Jowai næ cha Shillong leh da man i jooh hi hei lut i sep ka poisa wa i por wa i bor leh kamjooh” ong kawi ka man bei ka wym kwah u pynmih pyrtuid.

Chooh chooh ki nongchong chnong iong ka Laskein Block da ong ki wa i thmu ka sorkar u booh ia kani ka CHC toh ia ki bru wadooh waduk  ki wa duna tymbuiñ ki wym ioh u lai cha ki Doktor samen (private doctor), tæ wei leh, nei yi i daw wa ka sorkar ym ye ko u pynbiang ia ki dawai dachin hapoh kani ka CHC katkat i thmu iong ka.

Na ka liang ki nongkreh iong kani ka CHC da ong ki wa ki ym tip ki chaphang ki dawai, i toh du ki nongkreh heh wei wa ki yang ki lada poi ki dawai hapoh ka CHC, lada poi ki dawai tæ da ioh hi u e cha kiwa kjut, lada ym em dawai won tæ i yi u leh ki weiwa ym chong i bor ha i.

Share this:
Share on Facebook0Tweet about this on TwitterGoogle+0
Advertisement ad1