15 49.0138 8.38624 1 1 4000 1 http://wyrta.com 300 0
Advertisement ad1

Paan pynche u Dr. Mukul na ka sorkar yei rukom wan pyndem u GS ka HNLC
Ym ye wow maap ya ki kaam pyrchah aiñ kiwa wan pyndem

1 Comment

Shillong: Uwa yahkhmat ka Congress Legislature Party (CLP) ha yung dorbar chna aiñ ka jylla, u Dr. Mukul Sangma da ong u wa i wan pyndem u General Secretary warim ka Hynniewtrep National Liberation Council (HNLC), u Cherishsterfield Thangkhiew toh wow takit bha ya ka katkam ki kyndon ka aiñ.

“Katkam ka aiñ kani ka kaam toh u pait da ka Political Ddepartment kawa toh wow phah ya ki chnat wow leh ki yeiwa emkaam kam ya ka chnat Police Department ka jylla,” da ong u Mukul.

Da ong u leh wa emkaam wow tip lada u symbood montri ka jylla u Prestone Tynsong wa lada jooh yaklam u namo ym rm wa ki dkhot ka HNLC hadooh wow wan pyndem ki wei lada pynemkaam ya ki dkhot ka HNCL ha ka Election MLA wa dang dep wei emkaam leh ka sorkar MDA wow pynche ko ya ini.

“Ka aiñ da klam che ko wa ym em uwon uwon wa ye wow yaklam wa ki seiñ keiñ suloi wei emkaam wow pynman ya ka takit wow chem ya i sakhiat,” da ong u heh ka Congress.

Hajrong wa i kynnoh yong u GS warim ka HNLC wa ka sorkar Congress wa leh bakla, neiliang u Mukul da ong wa ym kwah u wow jubab ya ini neibhah ka sorkar ha itu i por da leh ko yeiwa emkaam.

U GS warim ka HNLC da pynbaad u wa ka sorkar Congress ym em chimkhia ko yeiwa kwah klam yasuk heipor wa man Home Minister ka Roshan Warjri hapoh ka sorkar Meghalaya United Alliance (MUA-II) hanlada da dep yaklam phone, tangwa neiliang u Dr. Mukul da ong u wa ka sorkar Congress ha kitu ki por ka yieñ bait ko ha ka jooh ka yurim wa ym em kheiñ kyrpang ko ya kiwon kiwon ki seiñ keiñ suloi.

“Ki kwah ki wow kheiñ kyrpang ya ka HNLC namo wow leh kyrpang neibynta yong ki, ka wym ye wow leh wei ym em kheiñ kyrpang ya kawon kawon ka seiñ keiñ suloi wow yoh yarap na ka sorkar wow wan im biang ki ha ka imlang sahlang, wei ki yarap toh kiwa da uiñdien wei ym em ong i wa lait noh ya ki dkhot ka HNLC, wei neiyi i daw wa kwah i wow yaklam kyrpang hawa i ym em e bor i ya kiwon kiwon wow klam kyrpang ya ki,” ong u Mukul.

Chooh chooh da ong u wa ka MDA ym toh u mylliñ ko ya ki kaam u heh ka HNCL wei ha ki por ka sorkar Congress, ka yeiñ bait ko wa lada wan pyndem ki ym toh u maap suk ya ki kaam pyrchah aiñ wa leh ki.

“I ym jooh pynlait i ya kiwon kiwon kiwa leh pyrchah ya ka aiñ nadooh ki seiñbhalang kiwa emkti wow pynyap bru kammon won ka sorkar u pynlait suk ko ya kiwa wan pyndem donhi.” da ong chooh chooh u.

U Mukul da ong u wa lada wiar i tieñ ya ka aiñ,  da toh u pyndem ki ha ki por wa synchaar ka Congress neibhah ha kitu ki por ka aiñ man ko ka aiñ.

“I ym tieñ ya ki bru i tieñ i ya ka aiñ,” ong u Dr. Mukul.

Share this...
Share on Facebook
Facebook
Tweet about this on Twitter
Twitter
Advertisement ad1
Previous
Next

1 Comment

  • October 29, 2018 at 12:15 am
    G suting

    Who made that rules and regulations? Human life are more important than anything else

    Reply

Leave a Reply