15 49.0138 8.38624 1 1 4000 1 http://wyrta.com 300 0
Advertisement ad1

Paan yarap ka Sookini yow jop ya ka Miss Tourism Queen Worldwide 2018

1 Comment

Jowai: Ka Sookini Sutnga kattæ da em ko ha ri Philippines wow chimbynta ha ka yakop Miss Tourism Queen Worldwide 2018 wei da mihkhmat ko ya ka ri India ha kani ka yakop miat kynthai.

Neiliang yong ka da booh ko yei kyrpaad wa khian ya ki paidbah na jan wa na jngai wow sniwabha ki u e yei kyrchaan lyngba ki Vote kawa ym hap wow pynlut poisa.

Yow vote emkaam wow lai ha ka Facebook Page wa pyrtuid “Miss Tourism Queen Worldwide” wei ha kiwon kiwon ki dur, ki video (kiwa em ha kani ka page) kiwa thymme hadooh ki warim kiwa toh yong ka Sookini wei lada ym em ko leh ha ki Video wa ki dur ye phi u Vote ya ka deiwa thoh Miss East India, kamjooh ye phi u Press ya ki Like Button wei wow Share ya ki dur.

I por wow vote u kut i hadooh pyrdi synaw ka 28-10-2018.

Ka Sookini da kyrpaad ko ya ki paidbah wow kyrchaan biang ya ka kamwa jooh leh ki nachwa wei ha kani ka kynti da man ko ka kyrdaan wa heh wa yaleh ko wei u man ko leh ka burom ya ka jaitbru deiwa jop da i yarap yong phi.

Ka Sookini toh kawa na chnong Sutnga ka khon ka Wailadmi Sutnga.

Ka Sookini toh kawa da dep jop ya ka yakop Miss Cherry Blossom 2017, da jop ko leh ya ka Miss Hynñiewtrep 2018 wei ha ka yakop Sunsilk Mega Miss Northeast 2017 da jop ko yei naam Miss Popular waka Miss India Tourism Asia International 1st Runner Up.

Share this...
Share on Facebook
Facebook
Tweet about this on Twitter
Twitter
Advertisement ad1
Previous
Next

1 Comment

  • October 26, 2018 at 11:55 am
    Suden Lee

    Good, all the best

    Reply

Leave a Reply