Jowai: U President ka Seiñraij Jowai u O.R. Challam da yachem u wa kiwa pathai khubor ynne ka sngi yow yaklam chaphang i pynkhreh ya ka Behdieñkhlam 2017.

Advertisement ad1

U President da ong u wa ka Behdieñkhlam ha uni man ko kawa kyrpang bha neibhah da yoh leh ya u Dolloi wa thymme wa pura uwa daw pynkyntang ki ha ka 16 tarik uni u bnai ha Myngkoi Pyrdi.

Chooh chooh da ong u wa chisien 7 snem ka Behdieñkhlam haap ko ha ka sngi Bibar wei ini ym toh wa leh yow pyrchah ya kiwi ki niam neibhah ya ka sngi da jied deiwa kheiñ katkam wa mih wei sep u bnai.

Hadien wa dep u jied ya ki tarik wow pynman Behdieñkhlam nadooh ynnin u snem neiliang ka Seiñraij Jowai da dep thoh ko leh cha ka sorkar jylla kamjooh ka tnat puræ puthi yow pyndep ya waroh ki exam hapoh ka jylla ha chwa ka 5 tarik uni u bnai yow yohlaad ki khynnah u liwan yung.

U Challam da ong won u wa sñiawsih u waka tnat PWD hadien wa da dep thoh chithi cha ka wei da dep yachem wa ki heh yong ka kattæ leh ym bien ko u kreh yow pynmiat pynbha ya u sarok KNB Road, Wahnangbah uwa da sih bha katni tangwa ya kiwi tawon ki niam smat ki u chna sarok. Da ong u leh wa ka Behdieñkhlam toh kawa da em bait man u snem tangwa ym bien kiwa kreh PWD u pyrkhat.

Da e u leh i sñiawngooh won ya ka tnat PHE kawa smat u leh yei kaam du hadien wa dep thoh chithi cha ka.

Da pyntip u leh wa ha uni u snem daw wan u lat ka jylla kam u kongsan wei daw emlang leh u secretary ka NEC wei da khut leh ya ki MLA, ki MDC wa ki CEM ka JHADC waka KHADC wow emlang ki ha kani ka sngi.

Da pynkut u deiwa khutlang ya waroh ki paidbah wow emlang ki ha kani ka sngi yow man ko ka Behdieñkhlam wa kmen wa kawa phooh wa pheiñ.

Share this:
Share on Facebook0Tweet about this on TwitterGoogle+0
Advertisement ad1