Advertisement ad1

Jowai: Ka seiñ Meghalaya Commercial Truck Owners And Operators Association (MCTOOA) da pynbaad ko wa ka sorkar da leh chilliang ko hei wow pynkrehkaam ya ka aiñ Motor Vehicle Act khamtam ya ka Section 194 kawa klam chaphang i kit palatpood ki kari kit mar.

Ka seiñ da ong ko wa ki truck kit mooyong wa mih na ri-loom Jaiñtia kiwa lai cha Guwahati da chah pynhaap  ya u mooyong wa kit palatpood ha Phramer da kiwa kreh ka sorkar kiwa leh katkam ka hukum ka NGT. Yeini leh da leh ha ka 13th Mile Weigh Bridge, Ri Bhoi District.

Advertisement ad1

Kini ki jooh kiwa kreh ka sorkar won ym jooh pynsangeh ki ya ki truck wa kit Clinker, khyndawbilat, moochuni kiwa mih na ri-loom Jaiñtia kiwa lai kylleiñ kylleiñ kiwa kit palat pood yeiwa chah ka aiñ. Ka seiñ leh da ong ko wa neidaw wa leh kini ki truck da smat sih u sarok Jowai Bypass.

Kamtæ da kylli ko naka sorkar wa ka Section 194 toh krehkaam ko du ya kiwa kit mooyong namo ya waroh ki kari mar?

Ha iwi tawon i liang ka seiñ da ong ko wa kam ka sorkar wa pyrchah yei pynyieñ Barrier wei yei khrong poisa ha ki sarokbah da man kamke i neibhah ki Weigh Bridge waroh toh kiwa pyllai da ki bru samen wei kiwa kreh sorkar wa yarap ya ki u khrong poisa deiwa pynsuki ki ya i lai i wan ki truck deiwa booh barrier yow yoh laad u khrong poisa.

Ki truck wa kit palatpood kam ya ki khyndawbilat, clinker, moochuni su ki T. 2500 ha kiwa kreh ka Weigh Bridge wa em ha 13th Mile Ri-Bhoi District yow yoh ki u kit katwa ngait.

Kani toh katkam ka khubor wa phah u President ka seiñ u Agustine Shanpru.

Share this:
Share on Facebook0Tweet about this on TwitterGoogle+0
Advertisement ad1