15 49.0138 8.38624 1 1 4000 1 http://wyrta.com 300 0

Palat 100 ngut kiwa chah sumaar kiwa khlaad haka chnat Cardiology ka NEIGRIHMS

0 Comments
Advertisement ad1

Shillong: U Director ka NEIGRIHMS ynne ka sngi da pynche u heiyatoh wa khlaad kawi ka bru wa em 52 snem kawa chah sumaar haka chnat Cardiology deiwa ong, “Iwon iwon i khlaad kiwa chah sumaar man ko kawa sñiawsih wei kam u khlieh kani ka thaw sumaar man ko i kitkhlieh yong nga wow pyntikna ym em kiwa wan chah sumaar u khlaad ki kiwa dang ye hi u pyn im.”

Da ong u em ki bru wa em i thmu wow yah bakla ya ki paidbah iwa ym toh u leh ki. Da pyntip u wa katkam ka yukheiñ kani ka thaw sumaar nadooh u Duiatra (Jan), 2018 palat 100 ngut wa da khlaad kiwa chah sumaar haka chnat Cardiology na ki daw wa boon. Kamtæ wow yaklam bait du ya iwa khlaad ka wi ha ki khubor ym tip de ya iwi i daw.

Advertisement ad1

Da ong u leh wa i syad ki tiar ki tar iwa da poi hadooh T. 25 lak wa dawa ka chnat Cardiology toh kiwa ym pu em jooh pynemkaam nachwa hanlada kiwa chah sumaar na ki jooh bait ki rukom chitom khlaad ki. Kiwa boon ki dawai wa kiwi ki tiar toh kiwa e mynkna ya kiwa dooh wa duk tangwa ya ki tiar wa syad hap hi wow thied.

Kamtæ da ong u wa yaleh wow pyntikna wa ya ki tiar wa syad toh u pynyoh ha i dor wa duna tam yow lait kiwa dooh wa duk wow dai hadooh i thaw i bhaw yong ki. Da booh leh yaka Amrit Pharmacy hapoh ka thaw sumaar nadooh u snem 2016 yow pynyoh ya ki dawai dachin hei dor wa duna.

U Director da e khublei u leh ya kiwa kreh ka NEIGRIHMS kiwa da ya krehlang wei da kular u wow kreh yow pynbha chooh chooh yei rukom chakri ya kiwa chitom kamjooh kiwa kreh kani ka thaw sumaar.

Ha iwi tawon i liang da pyntip u wa da paan yei mynjur naka Ministry of Health and Family Welfare Government of India yow pynkrehkaam noh yaka Assessment Promotion Schemes ha NEIGRIHMS nadooh uni u snem. Wei ya ini da booddien kattu la ar snem yow yoh u ku kyrdan kiwa kreh kiwa toh hok wow yoh.

Share this...
Share on Facebook
Facebook
Tweet about this on Twitter
Twitter
Advertisement ad1
Previous
Next

0 Comments

Leave a Reply