15 49.0138 8.38624 1 1 4000 1 http://wyrta.com 300

Palat 7000 ngut wan kiwa kitkaam cha ka yalang ka NPP na 2 Jowai Constituency
“Yi myntoi u ksoh chuki hawa ki khon won joo umkhmat ki?”- S. Dhar

0 Comments

Jowai: Ynne ka sngi da pynman ya ka yalang wow pyntipmit ya kiwa kitkaam ka NPP na 2 Jowai Constituency neibynta u kyrtong yong ka u Wailadmiky Shylla ha madan Slot Masi, Mukhla Nongrim heiwa da wan sakhi da palat 7000 ngut kiwa kyrchaan wa kiwa kitkaam yong ka Party napoh ka Jowai Constituency.

Da chna leh ya ka Jowai Election Committee ha kani ka yalang heiwa u Philemon Lyngdoh da man u kam u Chairman kani ka Committee, u JG Kyndiah da man u kam u Election Agent katwa u Darilang Lamare nawon da man u kam u Secretary.

Ha kani ka sngi da emlang u MLA warim ka Nartiang Constituency u Sniawbhalang Dhar, u MDC ka JHADC u MB Rymbai, ka Phidelia Toi kawa man kam ka Political Advisor ka Party, wa kiwi kiwi.

U Sniawbhalang Dhar hei klam ha kani ka yalang da ong u wa heipor wa man u kam u Montri Sorkar ha kini ki soo snem da phah hajir ka AICC ya oo ar sien hei yatoh wa i wym yatoh yabiang hapoh ka party Congress wei da tyrwa ki leh ya oo ya ka chuki kam u Montri Rangbah tangwa da kyntait u yeini neibhah wa oo kwah u wow yoo wa ka jaitbru man ko kawa im.

“Yi myntoi u ksoh chuki hawa ki khon won joo umkhmat ki?” da ong u Sniawbhalang Dhar.

Hei yatoh wa i psiah u cha ka NPP da ong u wa ka Congress hi lada em katwa em hapoh jylla emkaam u yohbor bait ko na Delhi katwa ka NPP won kawa man kawi na ki party ka ri India da sdang ya ka na Jowai wei u National President yong ka leh uwa pyn napoh ka jylla hi uwa man leh kam u MP na Tura u Conrad Sangma, iwa pynsuk ya i kaam u yachem pyn hapoh jylla hi.

Chooh chooh da pynrap u deiwa ong wa hanlada ka NPP kyrchaan ko ya ka sorkar BJP hapoh ka ri India tangwa du ka donhi wa klam pyrchah ya ka sorkar pyrdi hei yatoh wow yada ya ki khian paaid heiwa da e nongmuna u ya u Conrad uwa da klam yeini dei langær hapoh Parliament.

Heijooh i por da ong u wa du napoh ri-loom Jaiñtia na ki 7 Constituency, ka NPP daw jop bait ko ha ki 6 tylli ki Constituency.

Khaddooh da pynkut u deiwa ong “E wa ha kani ka kynti ka Jowai wa ka Nartiang u man ko kam ka thaw wa pyllai ya ka jylla hi waroh kawi” hawa kyntu ya ki paidbah wow kyrchaan ki ya u Wailadmiky Shylla.

Kam u Kyrtong ka NPP wow yakhun na Jowai u Wailad da khana u ya ka tong ka yong oo wei kammon da poi u hadooh kani ka kyrdan wow yakhun ya ka Election neibhah iwa chem u ha oo samen ym kwah u wa kiwi leh u maad ki ya ki jooh hi.

Da ong u wa kani ka yalang toh ka yalang wow yachemlang kiwa kreh ka party wei daw pynman ya ka yalang bah ha ki tayaw chwa ka Election.

Heijooh i por da ong u wa emkaam u yei kyrchaan na ki paidbah wow wanrah yei kylla ymtoh neibynta ka poisa donhi.

Khaddooh da kyntu u ya waroh kiwa kitkaam ka party na ki chnong waphær waphær wow sdang noh ki u kreh neibhah ym em por de kattu.

Ha kani ka sngi da yoh le hi klam na u Waheh Chnong ka Mookaswan, Khliehtyrshi, Madur, Mukhla Umlangshor, Niriang wa kiwi kiwi ki waheh wasian ki manbei manpa kiwa da beiñ ya ka sorkar Congress hapoh ka jylla kawa ym ye u kreh wow wanrah yeiwa thrang wa angnood ki paidbah ka jylla.

Previous
Next

0 Comments

Leave a Reply