Advertisement ad1

Raliang : Ka Greater Raliang Water Supply Scheme (GRWSS) toh kawa da booh moo nongrim nadooh u Naisan u snem 2010 da u Montri Prestone Tyngsong. Ya kani ka skhim da yoh poisa na ka tnat Ministry of Development of North-east Region (DoNER) ka wa da e poisa 21.26 klur yow pynpoi um cha 30 tylli ki chnong kani ka thaiñ.

Advertisement ad1

Ynne ka sngi ka Public Accounts Committee (PAC) hei yahkhmat u Paul Lyngdoh, MLA u wa man leh kam u Chairman ka PAC heiwa emlang u Hopeful Bamon, ka Bluebell R. Sangma ki wa man kam ki dkhot ka PAC da hiar ki cha ka chnong Raliang yow li pait li sylli ya kani ka skhim yow chem tre ya ki daw wa slem u dep chna ya kani ka GRWSS. Da emlang leh u MLA u ma Comingone Ymbon.

Nyngkong da hiar ki yow sakhi ki ya i thaw taan um na ka Wah Umrem, ha ini i thaw da chem wa ym pu em pynyieñ iyi iyi leh lait noh i tih ya ka foundation wa i chna ya ka approach road (sarok khyndaw) wei wa dang boon ki pipe taan um dang neh ki cha rood surok ym pu em pynchong pynthiah ya ki.

Hadien neini ki dkhot ka PAC da lai won ki cha i thaw chna ya ka Water Treatment Plant wei da chem heitai thaw leh ym pu em iwon iwon i chna.

Hei yaklam u Paul Lyngdoh wa ki nong ekhubor ong u wa ya kani ka skhim toh u pyndep ha u bnai March 2016 tangwa kamwa da yoo wa ha uni u snem da boon bha i pynwit u slap te ym ye du u pyndep ya kani ka skhim hei por wa da booh. Kamtæ da yoo luti wa daw ye u pyndep ya ka ha u snem 2017.

Da ong chooh chooh u wa ya ka treatment plant (thaw pynkhooid um) ym em lai beit i kreh hadooh wa na ka drawing wa ki estimate hadooh ym pu em dep e cha ka sorkar. Wei da ong u leh wa da dep ong u ya ki Engineer wa toh u peit ya kani ka kaam wow pynsmat noh ki u e cha ka sorkar ya waroh ki kot ka sla wa emkaam ha kani ka sngi nyngkong wa daw wan. Wei daw wan biang ki yow peit hadooh katwon lai i kreh kani Greater Raliang Water Supply Scheme (GRWSS) chakhmat.

Ya poisa yow chna ya kani ka GRWSS da yoh lyngba ka Non Lapsable Central Pool of Resources (NLCPR) kamtæ ya ka mang poisa ym ye de u pynku naka 21.26 klur katwa kamtæ u contractor wa pynkreh haap pyndep u da kani ka jooh ka wa da yakut u kreh.

I kreh wa toh u pyndep man ki kamni næ :-
1. Pynchna ya surok cah i thaw tan um kamjooh cha i thaw Water Treatment Site (thaw pynkhooid um)
2. Pynchna ya ka kor tan um.
3. Pynchana ya ki pipe wow tan um na ka wah.
4. Pynchana ya ka thaw pynkhooid um ka wa ye u e kum cha ki paidbah hadooh 1.68 Million Litre chi sngi.
5. Pynchna ya ki pipe wa ki kor wow kit ya ka um cha ki yung ki bru.
6. Pynchna ya ki 30 tylli ki tanky um.

Ha i yaklam wa u Robertson Lamare u wa man kam u contractor da ong u wa slem i kreh toh neiwa ym ye ki bor wa pyllai ka PHE u e ki order yow sdang noh u kreh. Ong u wa oo toh u wa da pynkhreh u sdang yei kreh lada yoh tang ka order na ki.

Share this:
Share on Facebook0Tweet about this on TwitterGoogle+0
Advertisement ad1