15 49.0138 8.38624 1 1 4000 1 http://wyrta.com 300 0
Advertisement ad1

Palat T. 100 klur ki drug yoh kem ki pulit ha Manipur ha kani ka tayaw

0 Comments

Jowai: Ki pulit ka Manipur ha kani ka tayaw da yoh ki wow kem ya kiwa boon ki drug hadooh wow chem ynnin ka sngi ya iwa i thaw chna drug hapoh ka jylla Manipur.

Ya i thaw chna drug (Brown Sugar Heroin) da chem na i yung u bru wa tip kam u Md. Matalip na Lilong Dam, Thoubal District hadien wa lai khynra da ki pulit deilang wa ka Narcotics and Border Affairs wa yahkhmat da u NAB Additional SP, Th. Brinda, OC B. Rishikesh Sharma wa u Thoubal Additional SP S. Sachidananda hapoh u pynlai u SP NAB.

Ki pulit na ini i yung da kem ki 111.915 kg i Brown Sugar wei da kem leh ya 3 ngut ki bru wa kynthup ya u Samim Pusam (35 snem), Md Matalip (40 snem) wa u Md Serajuddin Mohammad (29 snem).

Da kem leh ya kiwa boon ki tiar wa pynemkaam wow chana drug na ini i yung.

I drug wa yohkem da antaad wa chong dor i T. 100 klur.

Haka 26 tarik ki pulit ka Moreh CDO waka 43 AR da kem ki ya uwi uwa dai drug wei na oo da yoh ki wow kem 1,23,000 tylli ki dawai kuli wa tip kam ki WY tablets kiwa da antaad wa chongdor T. 3 klur na i chong New Champhai, Tengnoupal District.

Uwa chah kem da tip kam u Ts Khaigunlen Haokip (20 snem).

Ha kani ka jooh ka sngi ki pulit ka Lilong Police Station da yoh kem ki ya i dawai ka-oh na u Lilong Turel Ahanbi.

Katkam wa pyntip ki pulit wa kawi ka kari One A-star da chah pynsangeh ko ha ki pulit wei da em arngut ki bru hapoh wei man da kynreh ya kani ka kari da chem 7 klong ki dawai ka-oh (Codeine Phosphate 10%).

Ya ki arngut wa chah kem da tip kam u Md. Abdul Gaffar (27 snem) wa u Md. Hassan (25 snem) kiwa da phla wa thied ki ya ini i dawai na u Md. Riyajuddin (40 snem) uwa na Lilong Turel Ahanbi.

Hadien wa yoh ya kani ka yutip, u O.C. ka Lilong P.S. wa ki dkhot ka ALADA, Lilong da lai ki cha Lilong Turel Ahanbi wei da khynra ki ya i yung u Md. Riyajuddin wei da chem 57 tylli ki klong dawai ka-oh na oo uwa da phla won wa da thied u ya ini i dawai na u Md. Abdul Razak na Porompat Muslim Leirak No.2.

Da boodien won ki pulit ya ini wei da khynra ya i yung u Md. Abdul Razak wei da chem 3980 tylli ki dawai kuli wa tip kam ki SP Capsules, 150 tylli ki N-10 tablets, 45 tylli ki klong dawai ka-oh, kawi ka pistol Revolver kawa da em hapoh 6 tylli ki wa sa 32 tylli ki kuli, kawi ka suloi SBBL, ka poisa wa T. 5,54,700 wa ar tylli ki mobile phone.

U Md. Abdul da phla u leh wa man u uwa dai drug.

Haka 24 tarik won ki pulit ka Imphal East District Police Commando da kem ki ya i dawi kuli WY kiwa chong dor T. 1.5 klur na uwi wa dai drug heipor 11:40 i step ha Tillapati hajan Kalimai Mandir.

Ki pulit da pyntip ki wa da pynman ki ya i sylli ki bru wa em ha Minuthong hapoh i pait u of SI Y. Shaktishen Singh heipor wa yoh kem ya uwa dai drug.

Uwa dai drug da tip kam u G. Kalidas Debar uwa khut sin kam u Das uwa em 29 snem.

Katkam wa pyntip u SP, u Debar da phla u wa ya kini ki dawai WY da yoh u na uwi u bru wa ym tipmit u uwa na Myanmar uwa da phah kit ki cha Guwahati. U SP da pyntip u leh wa i dor kini ki kuli WY chong dor ki T. 1.5 klur.

Ya kini ki dawai WY da chem na kawi ka kari Maruti Swift kawa em ya u number WB-20AG 1894 wei waroh da yoh kem 78,000 tylli ki ki dawai kuli kiwa song ha 390 tylli ki yu song kiwa em 200 tylli ki dawai kuli ha kawi ka yusong.

Advertisement ad1

0 Comments

Leave a Reply