Advertisement ad1

Shillong : Kamwa man katni da mih boon Company khrong poisa wei hadien kattu katni por yut ki bak na ka chnong hadien wa yoh ki u thok ya ki paidbah. Ha kani ka kynti kamwa san hajar ngut ki paidbah da chah thok ki ha kylleiñ ka jylla Meghalaya ha kawi ka company wa pyllang poisa kawa em ha Thana Road Shillong kamjooh ka wa em ha Lad Stadium, Ladthadlaboh Jowai.

Advertisement ad1

Kani ka Company toh kawa na Kolkata wei da tip pyrtuid ya ka kaam ka Rose Valley.

Da sdang ko u krehkaam ko nadooh u snem 2008 wei da dep khrong poisa ko na ki hajar ngut ki paidbah ka jylla Meghalaya hadooh T. 2 klur.

Yeitai i buit chah thok ki paidbah da chem da ka Hynniewtrep Youth Council, Nongkwar Unit ha i bood dien yong ki hadien wa yoh ujor ki na ki paidbah khamtam ki manbei wa sah ha Mawlai.

Kamtæ hei lai takit syndet ha ka ophis katai ka company da chem wa em du le ngut donhi ki wa kreh wei ka ophis man ko kawa thylli.

Neiliang u General Secretary ka HYC, u Danny Mukhim ong u wa katai ka ophis yong ka Rose Valley ym em biang kot biang sla ko wei da kreh khaler ko.

Katkam i ong yong oo, katai ka company da em dak soo nadooh u Naikhynde yong u snem 2014. Kattæ leh ka pynchlur bait ko yaki wakreh u lai pyllang poisa na ki bru han lada dep em ko ha ka mukodtuma.

Hei yaklam wa kiwa chah thok poisa ha katai ka company da khana ki wa hadooh katni leh ym pu em yoh ya ka poisa katkam wa kular da ka company lyngba ki agent katai ka company neitæ i daw da lai ujor ki cha ka HYC.

Hajrong ini nei liang ka HYC da e por ko 15 sngi ya katai ka Company yow pyllait noh ya ka poisa cha waroh kiwa toh i hok u yoh ki.

Katkam wa man katni da ki hajar ngut kiwa chah thok  ha Ri Loom Jaintia tangwa hadooh katni ym em wa ujor pyrchah ya kani ka Company. Ha Jowai ka office ka Rose Valley em ko ha Bliss Complex, Lad Stadium Ladthadlaboh, weiwa kani ka Office da man ko kawa da khang kattu la san ynru bnai.

Ki wi ki jylla kiwa chah thok ha kani ka kompani ye phi u puræ heini

(Source:T7 and Wyrta)

Share this:
Share on Facebook0Tweet about this on TwitterGoogle+0
Advertisement ad1