Advertisement ad1

Jowai : Ki pulit ka Jowai Police Station ynnin ka sngi da yoh FIR ki na u wi u bru wa tip pyrtuit kam u Jimmyson Timung na ka chnong Barato lyngba ka Nartiang PIC wa ha ka janmiet yong ka 5 tarik uni u bnai ha i por 4:30 janmiet u payu yong oo na da pasi u ha u iwi i thaw wa tip kam i madan Changrim Barato. Ya kani ka case da chim kti u SI W. Suting.

Chah ksohbor kawi ka kynthai

Advertisement ad1

Jowai : Ha kawi ka FIR wa yoh ki pulit ka Jowai Police Station da pyntip da ka kong na Nangbah Iawmusiang  wa ha ka 9 tarik u ni u bnai u wi u bru wa tip kam u Carmel Lamare da chah kynnoh wa ksohbor u ya ka khon yong ka ha yung wa sah ko ha i por 11 waje i step. Ya i takit hei yatoh wa ini da chimkti u SI H.D. Syeimlieh.

Yatyngkhooh kari

Jowai : Ha ka miet yong ka 10 tarik uni u bnai hei por kamwa 9 waje i miet da yatynrah ki artylli ki kari, ka Maruti 800 wa ka wi ka Bolero Pick-up. Kani ka Maruti 800 wa em ya u nombar ML-05 F 5870 toh ka wa ku cha Ladthadlaboh katwa ka Bolero Pickup wa em ya u nombar ML-04 A 6078 ka wa hiar cha New Hill ka wa mut u dong cha ka petrol pump tangwa da tyngkhooh ko wa kani ka Maruti 800.

Heini i jia da piah ki headlight yong ka Maruti 800. Katkam ka khubor wa yoh ha ini i tngkhooh kari ym em wa mynsoo.

Share this:
Share on Facebook0Tweet about this on TwitterGoogle+0
Advertisement ad1