15 49.0138 8.38624 1 1 4000 1 http://wyrta.com 300 0
Advertisement ad1

Phah hajir ka Chnong Iongkaluh ya uwa ujor pyrchah yei jied kyrtong chwa ka chnong

0 Comments

Jowai: Hadien wa uwa chong chnong ka Moolang u Piwell Shylla da thoh u cha u District Election Officer uwa man leh kam u Deputy Commissioner ka East Jaiñtia Hills wa em ki dorbar chnong wa da jied ki da ki yong ki hi ki kyrtong wow pynyieñ ha ki Election kawa pynbor ya kiwi ki bru wow thap cha u kyrtong wa jied ka chnong wa man ko leh kawa pyrchah ya ka riti synchaar ka ri hapoh ka Article 236 ka Constitution ka ri da man ko kawa ktah yei hok ki paidbah wow jied laitlooid ya u kyrtong wa yoo biang ki.

Ha ka ujor u Piwell da ong leh wa i jied kyrtong ha ki Election wa dadep da khang laad ko ya kiwa chong chnong wow jied laitlood ki ya u/ka kyrtong wa yoo hun ki wei ki kyrtong wa jied hi ka chnong ka thaw ymtoh kawa mynjur lang wei da leh ya ini da ki kattu katni ngut donhi ki bru kiwa pynlai chnong.

Kamtæ u Piwell da sñiaw u wow pyntip cha ki bor District wa ha ka dorbar wa pynman ha ka 26 namo ka 27 tarik uni u bnai wa ka chnong Iongkaluh da chim ko ya ka rai wow e ya ka Vote du cha uwi donhi u kyrtong wa kyrchaan ko.

Kamtæ u Piwell da ong u wa kani man ko i yuh-bor ya kiwa khian wa nai ka imlang sahlang wow pynbor ya ki wow e ya ka Vote yong ki cha u kyrtong wa da jied ka chnong wei da kyntu u ya ki bor District wow chimkhia ki ya ini.

Neiliang ka Dorbar Chnong ka Iongkaluh da beiñ joor ko ya ini i pynbaad u Piwel Shylla uwa na ka chnong Moolang pyrchah ya ka chnong Iongkaluh wei da booh u leh ya kani ka ujor u ha ka Facebook Account u haka 25-10-2018 deiwa ong wa kiwa yahkhmat ka chnong chnong ka Iongkaluh da pynbor ki ya kiwa chong chnong wow jied du ya uwi donhi u kyrtong wow yaleh Election MDC .

Hajrong ini kiwa yahkhmat ka chnong da pyntip ki wa sñiawphylla ki yei pynbaad uni u bru wa da rah u chadooh ka Election Commission kawa ympu em pynbor ya i jied ya kiwa mihkhmat cha ka Council tangwa uni u bru won da ong u wa da pynbor ya kiwa chong chnong.

Kamtæ neiliang ka Dorbar Chnong da beiñ joor ko ya uni u bru wa pynbaad ya ka chnong wei da phah hajir ya u Piwel Shylla wow wan mih u haka 30-10-2018 heipor 10:00 waje i step ha yung krehkaam ka chnong Iongkaluh neibynta wow pynche u ha khmat ka Executive Body ka chnong, wei lada ym leh u ya ini ka Dorbar Chnong ym yohsa ko wow ujor ya oo cha ka bor yong ka aiñ.

Chooh chooh da ong wa kam kiwa yahkhmat ka chnong da sñiaw phylla ki wa u Piwel Shylla hawa ym man u kam uwa chong chnong ka Iongkaluh kammon luchia u ya ka kaam chnong kaam thaw yong kiwi.

Ini toh katkam wa pyntip u Secretary Chnong ka Iongkaluh u Roitre Dkhar.

Advertisement ad1

0 Comments

Leave a Reply