15 49.0138 8.38624 1 1 4000 1 http://wyrta.com 300 0

Phah paan maap ka JSM ya ka bai bordiñ ki paidbah ka EJH

0 Comments

Jowai: Ka Jaiñtia Students’ Movement (JSM) Central Body da phah ko ya i thoh cha ka sorkar jylla lyngba u Kyrmen Shylla, MLA ka Khliehriat Constituency wow maap noh ya ka bai bordiñ warim kawa da sahteiñ da ki snem hapoh ka East Jaiñtia Hills District.

Katkam ka dorkhat, da dawa wa ka seiñ wa da phah cha ka sorkar da ong, “Ya kani ka bai bordiñ kawa sahteiñ man ko nadooh wa em ka Meghalaya State Electricity Board (MeSEB) ha ka jylla waroh kawi ha ki snem wa nachwa tangwa ka sorkar da e wai wei da pynkhamti ko ya ka kaam saam bordiñ cha ka Meghalaya Electricity Corporation Limited (MeECL).”

“Kamtæ katkam i chem wa i ujor cha ka seiñ lyngba kiwa boon ki chnong hapoh ka East Jaiñtia Hills ym ye de ki wow su ya ka bai bordiñ kawa rim neibhah ha i por wa ka MeSEB saam bordiñ ko ym em man ko kawa ryntih wow pynpoi ya ka bai bordiñ cha waroh ki thlu yung man u bnai, wei na kani ka daw em ki por ka bai bordiñ da poi ko haddooh hadien chi snem ar snem.

Ka seiñ da ong ko leh wa neini i daw kiwa boon da chah ah bordiñ ki paidbah ym na iwa bakla ki paidbah wei man iwa tlot krehkaam nadooh wa chimkti leh ka MeECL kamjooh.

Share this...
Share on Facebook
Facebook
Tweet about this on Twitter
Twitter
Advertisement ad1
Advertisement ad1
Previous
Next

0 Comments

Leave a Reply