Advertisement ad1

Jowai: U Deputy Commissioner ka West Jaintia Hills da phah notis u cha waroh ki nongdai jhoor, dai cha,dai bam wa kiwi wan kiwa chong dai harood surok chilynter ka luti iawmusiang yow kynriah noh ki hapoh chi taiaw cha Jowai Presbyterian Market (Iaw Shiap), Iaw Sein Raij waka CNI Market.

Neiliang u Deputy Commissioner ong u wa kani ka rukom chongdai harood surok wanrah jingeh, khamtam ha i lai i wan ki paidbah wei kamjooh ia ki kari kiwa lai luti na utai u surok.

Advertisement ad1

U DC ong u wa  kiwon kiwon kiwa leh pyrchah ia kani, na ka liang ki bor District daw beh ki dei bor.

Ong u DC dei wa krehlang ki nongdai daw wanrah ko ia i miat wa i khooid suba ha ka Sor Jowai waroh kawi.

 

Ka e sikai kammon u tip chaphang i iarap poisa ka sorkar

Khliehriat: Ka Financial Literacy Campaign kawa pynman ha ka 26 tarik uni u bnai ha Khliehriat pyrchang ko u pynche ia ki paidbah ya kiwa boon ha iatoh wa kiwa boon ki skim sorkar kiwa iarap ia ki paidbah na ka liang ka poisa wa ka insurance.

U DC ka East Jaintia Hills u bah W.R. Lyngdoh ha kani ka sngi pynchlur u iaki paidbah u wan ki cha khmat yow chim kabu ki ia kiwa boon ki skim ka sorkar pyrdi wa da pymih ko ha kini ki por.

Da wan ha kani ka ialang da ki branch manager waphær waphær ki bank yow iarap u pynche ia ki paidbah ia ki rukom krehkaam ki skim wa boonjait.

U Partim Deka naka Axis Bank da klam u ia ki jingmyntoi ka Pradhan Mantri Jeevan Jyoti Bima Yojana (PMJJBY) wa wanrah cha ki paidbah dei wa su du 300 tyngka don hi chisnem, ye won ki warap pateiñ u ioh 2 lak tyngka lada duh i mynsien u bru.

U Hehkupar Marwein Pradhan u wa naka UBI Bank da e u i klam hei iatoh waka Pradhan Mantri Suraksha Bima Yojana (PMSBY) ka skim wa hap su 12 tyngka don hi chi snem. Hapoh kani ka skim ia ki wa iap ha ki aksident daw su 2 lak ia ki wa tkoh na ki kjut ne aksident daw su chi lak tyngka.

Na ka bank HDFC da wan u Dimple Kumar Sharia u wa wan pynche cha ki paidbah ia ka skim pension ka wa pyrtuit ka Atal Pension Yojana (APY) kawa kiwon kiwon kiwa em nadooh ki snem 18-40 ye ki u ioh ia kani ka pension. Ye ki u jied ia ka pension kawa 1000, 2000, 3000, 4000 wa ka 5000 chi bnai. Ia kani ka pension ye ki u ioh hadien 20 lane hadein 42 snem chong ha i rta u wa sdang ia kani ka skim.

U Branch Manager ka SBI, Lad Rymbai Branch, u L. Promod Singh, da e u i klam hei iatoh wa ka Pradhan Mantri MUDRA Yojana (PMMY) ka ram wa e cha ki bru wa kreh kam ki nongkhaii kiwa emkaam ram hapoh 10 lak kawa u khut ia ka ka Mudra loan.

Da em leh ka interactive session hawa u R. K. Chayengia, Manager, LICI, Shillong da pyrchang u pynche yei wym sniawthooh iong ki paidbah ha i li kam insurance hadien wa ood ki paidbah wa man taklar ware ka rukom pyllai li claim insurance. Oo ong u emkam ki paidbah u pyndap ki kawi don hi ka phom deilang i pyrtuit ki nongioh, ka death certificate lane ka sakhi accident proof wei u pyndep ia ka Know Your Customer (KYC.) process.

U lai ujor ka EJNC cha u Myntri umbaam umdih

Jowai: Ka East Jaintia National Council da rai ko u lai ujor cha u myntri ka tnat PHE hadien wa u ma C. Najiar Executive Engineer ka PHE wym em chim khia u ia ka ujor ka seiñ hei iatoh i pynmekam bakla ia ki GI Pipe wa em ka muhor ka PHE ha ki kattu katni tylli ki thaw sait kari wa em hapoh East Jaintia Hills.

Kam wa pynkynmo wa ki dkhot ka EJNC da ioh jingtip wei da chem ki leh wa em ki thaw sait kari cha ki thain East Jaintia wa ioh u thied da ki nar umkor (GI pipe) iong ka PHE. Yeitæ da pyntikna toh hadien wa phla ki tre sait kari wa ong ki wa thied ki na ka PHE ha Jowai. Ha kini ki pipe leh da em ka Muhor ka PHE kawa da thoh “PHE GOM”.

Share this:
Share on Facebook0Tweet about this on TwitterGoogle+0
Advertisement ad1