Jowai: Ki ar sngi wa e sikai ya ki Para Legal Volunteers (PLV) ka West Jaiñtia wa pynman da ka District Legal Service Authority ha ka Conference Room, ka yung krehkaam u Superintendent of Police. Ki PLVs da yoh sikai ki hajrong ki Scheme ka NALSA. Ya kani ka e sikai da pynman haka 3 wa 4 tarik uni u bnai, da ka thong wow pynkhreh ya ki PLV wow yarap ya kiwa yoh myntoi na ki Scheme NALSA.
Ki bru chemphang wa da e yaka sikai ha kini ki ar sngi toh u DSP MJ Marngar, MPS uwa da klam hajrong ki kaam khayi bru, ka DCPO ka RD Kynjing da klam ko chaphang ka aiñ Juvenile Justice (Care and Protection of Children) Act 2016, Chairperson, ka CWC ka T.S. Sutnga da klam ko chaphang ki aiñ kiwa yatoh wa ki kaam pyrchah ya ki khynnah wa chaphang ki khynnah wa wiar, naka District Mental Health Programme, Jowai Civil Hospital da klam Dr. E. D, Mann chaphang ki bru wa chitom ha i pyrkhat pyrdaiñ wa i yarap wa e cha ki. U DDMO u E. S. Lyngshiang da klam u chaphang ka yarap poisa cha ki bru kiwa chah ktah ha i bor ka rymaw.
Haka sngi nygkong ka 3 tarik ki bru wa chemphang toh u B. Chettri, Additional SP, ka B. Blah, MCS, BDO Thadlaskein C&RD Block, u Chandame Laloo, Labour Inspector Amlarem Block waka J.S. Synnah, DSWO, Jowai.
U District Session Judge u E. Kharumnuid, Superintendent of Police u Lakador Syiem, MPS, Secretary DLSA ka D. Sohtun, PP Advocate u M. Surong da emlang ki kiwa da yaklam kammon wow pynkhlan ya ki NALSA Scheme.
Discussion about this post