15 49.0138 8.38624 1 1 4000 1 http://wyrta.com 300

Poi ka lehkmen wow pynemwarom ya ka Bei Rymaw chawa kut ha EJH

0 Comments
Advertisement ad1
Advertisement ad1
Advertisement ad1

Jowai: Ka Basin Development Unit, East Jaiñtia Hills, Khliehriat da pynkut ko ya ka lehkmen pynemwarom ya ka Bei Rymaw ha ka 27 tarik uni u bnai ha chnong Kairang. Ha kani ka sngi da wan chim bynta da ki spah ngut kiwa kynthup ya ki heh sorkar na ki tnat sorkar waphær waphær ka District, kiwa kitkaam chnong na ki chnong waphær waphær, kiwa sikai skur, ki khynnah skur wa College, Ki Green Volunteers wa kiwa chong chnong ka chnong Kairang.

Ya ka programme da pynlai da u Leiky Sayoo, Asst. Manager, BDU, East Jaiñtia Hills. Da yoh ya ki kyntien pdiang sñiawbha na u Kamni Siangshai, Waheh Shnong, Kairang.

Ka kongsan ha kani ka sngi toh ka R.S. Manners, MCS, PD DRDA & Vice Chairperson, Basin Development Unit, East Jaiñtia Hills. Ha i klam yong ka, da ong ko wa ha kani ka juk wa katni man i iwa emkaam hadooh kattæ wow pynkynmoo ya waroh yei man kordor ka Bei Raw. Da ong ko leh wa ki Khasi Pnar toh ki jaitbru kiwa maya wa kiwa sumaar ya ka rymaw. Da banjoor wa i man ki kiwa rah ya ka  khubor namo ki Ambassador neibynta wow pynbha chooh chooh ya ka Bei Rymaw deiwa e nongmuna wa kammon wow pynduna u pynemkaam wei wow pynemkaam biang wei wow pynthymme ya ki  tiar Plastic wa kiwi kiwi.

U symbood kongsan, u M.J. Kharbudon, Range Forest Officer (S/F), Khliehriat da klam u hajrong kammon wow pynduna, u pynemkaam biang wei wow pynthymme biang (Reduce, Reuse & Recycle) ya ki tiar Plastic. Da klam u leh hajrong i thang ya ki khloo iwa wanrah ya i jæd ka Bei Rymaw deiwa kyntu ya kiwa kitkaam chnong, ki khynnah skur wow man ki kiwa krehlang wa ka sorkar hei wow pynneh pynsah ya ka rymaw.

Da pynphooh pynphieñ ya kani ka sngi da ki chaad tynre wa i rwai yada rymaw.

Iwa rap phær ha kani ka sngi toh ym chah ya iwi wot leh i tiar plastic hi wa ya ka dara da chna da ki dieñ, ki siej wa da u phlang, ya ki baam da booh ha ki kriah ki chang, ya i ja da song da ka sla wei ya ka um wa ka sha da e ha ki tadong siej.

Da saam ya ki Certificate wa ki khusnam cha waroh kiwa jop ha ki yakob waphær waphær wa da pynman ha ka 25 tarik uni u bnai. Ha ka thoh essay da jop da ka Balari Wahlang na Khliehriat Hr. Sec School , wa ar da yoh u Menangtur Shadap na St. Anthony’s Extension College, Byndihati, wa le da yoh u Looking Pala na Sutnga Presbyterian Hr. Sec School.

Ha ka yania namo debate da jop da u Atif Raja Ansari na Khliehriat Hr. Sec. School, wa ar da yoh u Donlang Swer na Khliehriat Hr Sec School wei wa le da yoh u Eddie Dkhar na St. Anthony’s Extension College, Byndihati. Ha ka Extempore Speech da jop da u Donlang Swer na Khliehriat Hr. Sec. School, wa ar da yoh ka Sumitra Lama na St. Anthony’s Extension College, Byndihati wa le da yoh u Lastborn Dkhar na Jaiñtia Eastern College. Ha ka Painting da jop da ka Gloria Chyrmang na Jaiñtia Eastern College, wa ar da yoh u Edify Suiam na Khliehriat Hr. Sec. School wei  wa le da yoh u Bnai Bareh na St. Anthony’s Extension College, Byndihati.

Ha i jooh i por da saam ya ka khusnaam Best Afforestation ya iwa da yoh pdiang da ka chnong Cham Cham, Best Community Nursery da yoh pdiang da ka chnong Suchen Lumiarain wa Best Green Volunteers da yoh pdiang da u Precious Dkhar na ka chnong Ladwah Wapung.

Ya ki kyntien khublei da e da u Kyrkhu Nongtdu, Secretary Chnong Kairang.

Chah kem 3 ngut ki baar jylla wa u bhang wa 43....

Previous

Psiah Quarter Final sa ka Lewa FC ha ka Lympun....

Next

0 Comments

Leave a Reply