Advertisement ad1

Mukhla: Ka lehñiam Raij Mukhla ynne ka sngi da poi ko cha wakut da iwa 11 tylli ki rot da wan hiar ki cha aitnar ka Raij Mukhla. Ia kini ki rot da wanrah na wabun ki dong ka chnong Mukhla.

Advertisement ad1

Ka lehniam ka Raij Mukla toh kawi na ki 7 tylli ki lehñiam Behdeiñkhlam ha ri lum Jaiñtia wa kamjuh leh kawa khadduh iong u snem.

Ia kani ka lehniam ha uni u snem da sdang naduh ka 17 tarik uni u bnai wei wa da pynkut ynne ka sngi 20 tarik.

Ia ka leh niam hakni ka Behdeinkhlam da leh da ki san tylli ki kur wa chong ha kani ka chnong kam wa da buh ki manchwa longchwa. Ki leh niam wa da pyndep ynne ka sngi toh ka e dan e khat cha ka blai Syiem Khlam Bam Salong, ka knia ha Khloo Blai, i kyntin khnong wa sdang na iung ka Langdoh pynbood sa ka bamdoh knia.

Ha i por chitein sngi da sdang ki khon ka raij u wanrah ia ki rot wapher wapher cha ka madan Slot Masi. Ha ini i madan leh da em ki dein khnong dein blai wa da pynyien ki. Uwi toh na ka chnong Mukhla Nongrim, uwi na ka chnong Umlangchor sa uwi won u wa krypang bha tang uwa khian dooh wa da pynkhreh da ka Mukhla Wahchnong.

Da pynkut ia ka lehniam da i wa rah ia ki rot cha ka Aitnar iow pynchad wei wa u noh ia ki kam ka dak u pynkut ia ka lehniam ka Raij Mukhla.

Ki khon ka Raij Mukhla kiwa wan lehkmen ha madan Slot Masi

Uwi na ki rot katwa dan rah ia Oo cha Aitnar

I por pynpsiah ia u rot hapoh Aitnar

 

Ki nongchad wa skid soodong ka Aitnar

Ki rot waroh wa poi ha aitnar.

I noh ia ki rot.

 

Share this:
Share on Facebook0Tweet about this on TwitterGoogle+0
Advertisement ad1