15 49.0138 8.38624 1 1 4000 1 http://wyrta.com 300

Poi ka lympung Subroto Cup ha WJH chawa kut ynne ka sngi

0 Comments

Jowai: Ka lympung yalehke football Inter School Football Tournament (Subroto Cup) wa pynlai daka yung krehkaam u District Sport Officer, West Jaiñtia Hills District, kawa da sdang nadooh ka 25 tarik uni u bnai ha madan Kiang Nangbah Stadium Ladthadlaboh Jowai, dapoi noh ko chawa kut ynne kani ka sngi 31 tarik.

Ha kani ka lympung da em hadoh kamwa 17 tylli ki skur wa haap hapoh ka West Jaiñtia Hills District wa yachim bynta haka kyrdan Under-14 Boys, 17-Boys waka Under-17 girls.

Ka yakhun final ynne ka sngi ha ka Under 17 Boys da yakhun hapyrdi ka North Liberty Higher Secondary Jowai pyrchah ya ka Amwi Jaraiñ Secondary School.

Hawa kyruiñ cha ka yakhun hapyrdi kini ki arliang nadood ka kylla step hadooh ka kylla miet man ko kawa yoosuk wei yakhaaid bha wei hadooh wakut ka kylla miet leh ym em wa yoh pynkhih ya ka jaar kool. Hadien ini neiliang u Referee da elaad won wow yakhun da ka Extra Time tangwa kani leh da neh ko khlem em wa thap.

Kamtæ da pyman noh ya ka yachut Tie Breaker heiwa ka North Liberty Higher Secondary School da jop ko ya ka Amwi Jaraiñ da 5-3.

Ha ka yakhun Final Under-17 Girls won ka Little flower Higher Secondary School Ummulong da jop ko ya ka Govt. Girls Higher Secondary School Jowai da 2-1.

Ha ka yakhun Under-14 Boys ka St. Dominic Higher Secondary School da jop ko ya ka Marian Hills Higher Secondary School da 4-0.

Advertisement ad1

Ka wyrta neibynta ki paidbah wa kiwa uiñke suw....

Previous

Da khang chipor ya ka luti kjat wow lai cha kc....

Next

0 Comments

Leave a Reply