15 49.0138 8.38624 1 1 4000 1 http://wyrta.com 300

Poi ka yakhun Subroto Cup ha EJH chawa kut ynne ka sngi

0 Comments

Khliehriat: Ka District Level Inter School Football Tournament (Subroto Cup) 2018 kawa pynman neibynta ki khynnah skur wa em hapoh i snem 14 wa 17 yong ki chynrang wa kiwa hapoh 17 snem ki khynthai wa pynman da ka yungkrehkaam u District Sports Officer, East Jaiñtia Hills District da poi ko chawa kut ynne ka sngi heiwa u S.S. Syiemlieh, Additional Deputy Commissioner uwa man leh kam u Secretary ka East Jaiñtia Hills Football Association da man u kam u kongsan.

U Syiemlieh hei klam yong oo da yaroh u yeiwa man kani ka Subruto Cup kawa jop hanlada pynwit u slap wei i thmu hi yong kani ka lympung chut bol toh wow pynku yei sap yong ki khynnah wa em i sap yow yohlaad ki leh wow chimbynta ha ki kyrdan wa heh hapoh ka ri.

Da ong u leh wa ka National Games 2022 toh kawa daw pynman hapoh ka jylla Meghalaya wei da yooluti u wa ki khynnah kynthai wa chynrang daw yohlaad ki u pynyoo yei sap yong ki. Kamtæ da pynchlur u ya waroh wow kreh chitom ki yow yoh ki ya ka mynried wa tyrchaaiñ.

Ha ki yakhun Final wa pynman ynne ka sngi ha ka Under 17 Girls, ka Musniang Secondary School da pynrem ko ya ka Khliehriat Higher Secondary School da 1-0, ha ka kyrdan Under-14 Boys won ka Rymbai Government Secondary School, Rymbai da pynrem ko ya ka Khliehriat Higher Secondary School da 1-0 katwa ha ka kyrdan Under–17 Boys ka K.B. Memorial School, Wapung da pynrem ko ya ka Sacred Heart Secondary School, Myndihati da 2-0.

Advertisement ad1

Ha ka 4 wa 5 tarik ka Behdieñkhlam ka Raij Mut....

Previous

Pynman yalang pynsniawthooh paidbah ka Better ....

Next

0 Comments

Leave a Reply