15 49.0138 8.38624 1 1 4000 1 http://wyrta.com 300 0

Poi ki Scientist cha Ksan wow yarap sai ya kiwa chah kset ha krem mooyong

0 Comments

Jowai: Ynne ka sngi da dap chi bnai nadooh wa chlai um ka krem mooyong wa em ha Ksan, EJH wei dang pteiñ hi wow yaleh u sai um na ka krem mooyong wa em kiwa chah kset kamjooh na ki krem wa em hajan.

Ka Kirloskar Company dang pteiñ ko wow taan um naka krem mooyong wa em kiwa chah kset nadooh ynnin 5 waje i janmiet hadooh 11 waje i step wei da sangeh chi kynta yow thap phniang ya ki Pump wei da sai um ki 1530000 liter.

Advertisement ad1

Ka Coal India Limited won da taan um ko na ka krem mooyong wa em hajan nadooh 5 waje i janmiet hadooh 11 waje i step wei da sai um 1927800 liter.

Ka Odisha Fire Service da sdang ki wow taan um nadooh 11 waje i step na kawi ka krem mooyong warim.

Ka Company KSB kawa na Germany dang pynkhreh ko wow sdang kreh.

Katwa ka Indian Navy da pynhiar biang ko ya ka kor ROV ha ka krem mooyong wa em kiwa chah kset.

Neiliang u Deputy Commissioner ka East Jaiñtia Hills won da pyntip u da wan ki bru wa chemphang ha kani ka kaam wa ki tiar ki tar yong ki ha Ksan, Lumthari deilang wa ki tiar ki tar yong ki.

Kiwa da poi toh u:

  1. Dr. Devashish Kumar, Sr. Scientist CSIR-NGRI Hyderabad wa kiwa krehlang wa oo.
  2. Dr. Niraj Kumar, Scientist Gravity & Magnetic Group wa kiwa krehlang wa oo.
  3. Jayanti Gogoi, GPR.
  4. Vineet Upadhyay, ROV naka LCAP Chennai wa kiwa krehlang wa oo.
  5. Dr. Sudhir Kumar Scientist, National Institute of Hydrolog , Roorkee.

Waroh daw sdang ki wow sylli ya kani ka thaw nadooh mynstep.

Tangwa hadien wa da taan da kiwa boon lak liter ka um, dang neh ko katjooh hi khlem hiar. Da yooluti wa deiwa wan kini ki bru wa chemphang daw chem laad wow pynhiar ya ka um.

Advertisement ad1
Advertisement ad1

0 Comments

Leave a Reply