15 49.0138 8.38624 1 1 4000 1 http://wyrta.com 300 0
Advertisement ad1

Poi noh ka yakob District Level Youth Exchange Programme ha EJH cha wakut

0 Comments

Khliehriat: Ka yung krehkaam ka District Sports Office, Khliehriat, East Jaiñtia Hills da pynman ko ya ka District Level Youth Exchange Programme ynne ha Khliehriat Community Hall dei thmu wow pynembor ya ki khynroo khyllood wow pachat ya ki buit ki budia yong ki wei wow wanrah yei yatylli wei ha kani ka programme da chimbynta da ki skur wa ki College na kylleiñ ka District. 

Ha ka bhah wa nyngkong yong kani ka programme da em ka ya pyntipmit wei ya kiwa chimbynta da bhah ya ki ha ki dhab wow pachat yumut ki. Da pynbood won yei jied ya kiwa chimbynta wow pynyoo ki ya ka sap wa em ki heiwa da em leh ki yakob wa ha rukom kam ka chaad tynre, ka rwai tynre, ka kylli yutip, wa kiwi kiwi.

Advertisement ad1

Da pynman leh ya ka yakob yania hajrong ka phang “Ban On Plastic”.

Neiliang u District Sports Officer, East Jaiñtia Hills, u K. Passah da kyntu u ya kiwa chimbynta wow kreh ki na mynsien neibhah wa daw chah jied wow mihkhmat ya ka East Jaiñtia Hills District ha ka State Level Youth Exchange Programme. 

Da kyntu u leh ya ki wow chim kabu ki na kam kani ka progranme i wow yarap ya ki hadien ha bood. 

Ha kani ka sngi da saam leh ya ki khusnaam cha ki wa jop ha ki yakob waphær waphær heiwa ha ka Folk Song Competition da jop ka Wapung Higher Secondary School yeiwa da pynbood da ka Jaiñtia Eastern College, Khliehriat ha ka Folk Dance da jop da ka Jaiñtia Eastern College, Khliehriat wei da pynbood won da ka St. Anthony’s College, Byndihati, ha ka Talent Show da jop ka Khliehriat Presbyterian Higher Secondary School wei da bood won sa ka Jaiñtia Eastern College, Khliehriat ha ka Quiz da jop da ka Tia Chaphrang Higher Secondary School wei da bood won da ka Jaiñtia Eastern College, Khliehriat. 

Ha ka yakob samen kawa man ka Debate da jop da u Baswan Shylla na St. Anthony’s College, Byndihati bood won u Atiar Batskhem Muksor na Khliehriat Presbyterian Higher Secondary School.

Advertisement ad1

0 Comments

Leave a Reply