Jowai: Katkam wa man ynne ka sngi da poor bha i Video ha ki Social Media wa suba wa toh yong u Sniawbhalang Dhar u montri ka sorkar MDA da em wa riñ dur oo heipor wa phah kyrriah u ya ki bru wa pyrchah ya u kyrtong u ha ka Election MDC.
Ha ini i Video da sñiaw wei da yoo leh ya i dur u Sñiawbhalang ha kawi ka Polling Station wa suba toh ha Wahiajer heipor wa da ong u, “Ham chah ya kiwa pyrchah…kyrriah cha rood,” wei da ong u leh wa kiwa pyrchah ym cha u wan ki cheini.
Neiliang u Wyrta da pyrchang phone cha u Sniawbhalang tangwa ym yoh u yaklam wa oo.
Ym pu em leh wa da ujor heiyatoh wa ini hadooh wa pynmih ya ka khubor.
Kani ka Polling Station toh kawa haap hapoh ka 5-Mukhla Wahiajer Constituency heiwa ki kyrtong toh u Hermon Phawa naka INC, u Paia Dhar naka NPP, u Lom Nongrum naka PDF wa u Ailad Bhoi kam u kyrtong samen.
Neiliang u DC ka WJH da kular u wow phah takit.
Discussion about this post