15 49.0138 8.38624 1 1 4000 1 http://wyrta.com 300

Psiah noh u MLA Mawphlang kam u dkhot ka UDP

0 Comments
Advertisement ad1
Advertisement ad1

Shillong: U MLA samen na Mawphlang Constituency, u Syntar Klas Sunn ynne ka sngi da psiah kam u Associate Member wa ka party ri-loom, ka United Democratic Party (UDP) deiwa e ya ka chithi wow psiah dkhot wa ka UDP ha u president ka UDP, u Dr. Donkupar Roy.

U Syntar da jop u kam u MLA samen na Mawphlang ha kani ka Election MLA wa dang dep kawa man ha u Wisu. Deiwa psiah u Syntar, mut ko wa ka sorakar MDA dang yoh ko yei boon paaid ha yung dorbar chna aiñ ka jylla.

Advertisement ad1

Hawa klam wa kiwa pathai khubor, u Sunn da ong u wa i daw wa psiah u cha ka UDP toh neidaw wa man ko ka party kawa rim wei kawa em i kyrmen wow chakri ya ka jylla.

Da ong u chwa wow chim ya kani ka rai, da em chwa ka yalang yong kiwa kyrchaan wa kiwa yahkhmat ka Lyngwiar Sain Pyrkhat Ban Ksan ka Lawei kiwa da phyllu wow em noh wa ka party neibynta wow pyntyllung ya ki kaam ha ka Constituency wei kamjooh ha ka jylla.

Da ong u wa kam u MLA samen, ymtoh iwa suk wow wanrah ya ki kaam pynroi ha ka Constituency wei khamtam ha ka jylla wei neitæ i daw da chim ya kani ka rai wow psiah cha ka UDP kawa man ka party ri-loom kawa rim wei kawa heh tam ha ka jylla.

Heijooh i por, da ong u wa i psiah cha ka UDP, ym mut wa kwah bor u tangwa chwa wow yakhun ya ka Election leh, toh ki paidbah ka Mawphlang kiwa da kyrpaad ya oo wow chimkti u ya kani ka lyngkor wow yakhun ya ka Election du hadien 45 sngi wa da chong ngiah u kam u sahep ka PHE.

Ha iwi i liang u President ka UDP u Dr. Donkupar Roy da pynsñiaw u wa kwah u wa waroh ki seiñ ri-loom ha ka jylla wow wan lang ha ka jooh ka rynsan neibhah du lyngba i yatylli ki seiñ ri-loom daw yoh u synchaar ya ka jylla.

Da ong u wa i wan u Syntar daw pynyaar ko ya ka seiñ ri-loom ha ka jylla heiwa daw yoh ko wow synchaar samen ha ki sngi wow wan kamwa da saiñdur kiwa yahkhmat wa nachwa.

Advertisement ad1
Advertisement ad1
Advertisement ad1
Advertisement ad1
Advertisement ad1

Chem ya i metyap ka wi ka kynthai na Ryndang B....

Previous

E dorkhat u MLA ka Siju Rongara cha u Montri P....

Next

0 Comments

Leave a Reply